ପୁରୀ: ପୁରୀ ବେଳାଭୂମିରେ ଅଭାବନୀୟ ଦୃଶ୍ୟ। ବ୍ୟାଗ ଭିତରେ ରହିଛି ନବଜାତ ଶିଶୁର ମୃତଦେହ। ପୁରୀ ଚକ୍ରତୀର୍ଥ ରୋଡ ନିକଟରେ ଥିବା ଏକ ହୋଟେଲ ପଛ ପାଖ ଏକ ଭଙ୍ଗା ଘରେ ଦେଖିବାକୁ ମିଳିଛି ଏହି ମୃତଦେହ । ଏନେଇ ସ୍ଥାନୀୟ ଲୋକେ ପୋଲିସକୁ ଖବର ଦେବା ପରେ ସମୁଦ୍ରକୂଳ ଥାନା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ବେଳାଭୂମିରୁ ଉଦ୍ଧାର ହେଲା ମୃତ ନବଜାତ ଶିଶୁ
ତେବେ ଜଣେ ବ୍ୟକ୍ତି ଏହି ମୃତ ଶିଶୁକୁ ପୋତିବା ପାଇଁ ସମୁଦ୍ର କୂଳକୁ ଆଣିଥିଲେ। ସେଠାରେ କିଛି ବ୍ୟବସାୟୀ ଏହା ଦେଖିବା ପରେ ପୋଲିସକୁ ଖବର ଦେଇଥିଲେ। ପୋଲିସ ଭୟରେ ଉକ୍ତ ବ୍ୟକ୍ତି ଜଣକ ମୃତ ଶିଶୁକୁ ସେଠାରେ ଛାଡି ଚମ୍ପଟ ମାରିଥିବା ଜଣାପଡିଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
