ପୁରୀ: ଡକାୟତି ଯୋଜନା ପଣ୍ଡ । ଡକାୟତି ଯୋଜନା ସଫଳ ହେବା ପୂର୍ବରୁ 7 ଡକାୟତଙ୍କୁ ବାନ୍ଧି ନେଲା ପୋଲିସ । ଏଭଳି ଘଟଣା ଘଟିଛି ପୁରୀ ଜିଲ୍ଲାରେ ।
ସୂଚନା ଅନୁସାରେ, ଗତ ମଙ୍ଗଳବାର ଜଗନ୍ନାଥ ବଲ୍ଲବରେ ଏହି 7 ଜଣିଆ ଡକାୟତ ଗ୍ୟାଙ୍ଗ ଡକାୟତି ଯୋଜନା କରୁଥିବା ପୋଲିସ ଖବର ପାଇ ଚଢାଉ କରିଥିଲା । 7 ଜଣ ଡ଼କାୟତକୁ ଗିରଫ କରିବା ସହ ତାଙ୍କ ଠାରୁ ଖଣ୍ଡା ସମେତ ବିଭିନ୍ନ ମାରଣାସ୍ତ୍ର ଜବତ କରିଛି ପୋଲିସ । ଗିରଫ ଅଭିଯୁକ୍ତ ମାନେ ହେଲେ ଭିମେଶ୍ବର ସୁବୁଦ୍ଧି, ନୃସିଂହ ସୁବୁଦ୍ଧି, ସୁର୍ଯ୍ୟ ପ୍ରସାଦ ମହାଭୋଇ, ଶ୍ରୀକାନ୍ତ ବେଜ, ଦେବାଶିଷ ବାରିକ, ରାମ କୃଷ୍ଣ ଗୋଛାୟତ ଓ ଭବାନୀ ସଙ୍କର ରଥ ।
ଏମାନଙ୍କୁ ଗିରଫ କରାଯାଇ ପୋଲିସ କୋର୍ଟ ଚାଲାଣ କରିଛି । ଗତ କିଛି ଦିନ ହେବ ପୁରୀ ସହରରେ ଡକାୟତି ବୃଦ୍ଧି ପାଇବାରେ ଲାଗିଛି । ରାତି ଅଧରେ ଦୋକାନ ସଟର ଭାଙ୍ଗି ଦୁର୍ବୃତ୍ତ ଟଙ୍କା ଲୁଟି ନେଉଛନ୍ତି । ଯାହାକୁ ନେଇ ବ୍ୟବସାୟୀ ଆତଙ୍କିତ ଅବସ୍ଥାରେ ରହିଛନ୍ତି । ତେବେ ଡ଼କାୟତ ଗ୍ୟାଙ୍ଗକୁ ଧରିବା ପାଇଁ ପୋଲିସ ଆହୁରି ଜୋରଦାର ଧରପଗଡ଼ କରିବାକୁ ବିଭିନ୍ନ ମହଲରେ ଦାବି ହୋଇଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
