ପୁରୀ: ଜିଲ୍ଲାରେ ଦିନକୁ ଦିନ ବଢି ଚାଲିଛି ବେଆଇନ ନିଶା କାରବାର । ଏନେଇ ପୋଲିସ ତୀକ୍ଷ୍ଣ ନଜର ରଖିଥିବା ବେଳେ ସୋମବାର ପୁରୀରେ ପୁଣି ବେଆଇନ କଫ ସିରପ ବିକ୍ରି ଘଟଣା ପ୍ରକାଶ ପାଇଛି । ଘଟଣାରେ ସଂପୃକ୍ତ 3 ଜଣ ଅଭିଯୁକ୍ତଙ୍କୁ ଗିରଫ କରାଯାଇଛି । ସେମାନଙ୍କ ନିକଟରୁ 478 ବୋତଲ କଫ ସିରପ ଓ 3 ଟି ମୋବାଇଲ ଜବତ ହୋଇଛି ।
ସୂଚନାଯୋଗ୍ୟ, ଅଭିଯୁକ୍ତମାନେ ହେଲେ ବାଟଗାଁର ସରୋଜ କୁମାର ମହାନ୍ତି, ମାର୍କଣ୍ଡସ୍ବର ସାହିର ବାଲ୍ମିକୀ ପ୍ରଧାନ, ଘୋଡା ବଜାର ଅଞ୍ଚଳର କେ. ମହେଶ୍ବର ଆଚାରି । ଏମାନେ ବାଟଗାଁରେ ବେଆଇନ ଭାବେ କଫ ସିରପ ବେପାର କରୁଥିଲେ । ଖବର ପାଇ ସଦର ଥାନା ପୋଲିସ ସେଠାରେ ଚଢ଼ାଉ କରି ସଂପୃକ୍ତ 3 ଜଣ ବ୍ୟକ୍ତିଙ୍କୁ ଗିରଫ କରିଛି । ସେମାନଙ୍କ ନିକଟରୁ 478 ବୋତଲ କଫ ସିରପ ସମେତ 3 ଟି ମୋବାଇଲ ଜବତ ହୋଇଥିବା ପୋଲିସ ସୂଚନା ଦେଇଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
