ପୁରୀ: ସହରରେ ଦାଦା ବଟି ମାଗୁଥିବା ବ୍ୟକ୍ତିଙ୍କ ବିରୋଧରେ କାର୍ଯ୍ୟାନୁଷ୍ଠାନ ଜାରି ରଖିଛି ପୋଲିସ। ଦାଦାବଟି ମାଗିବା ଅଭିଯୋଗରେ 4 ଜଣ ବ୍ୟକ୍ତିଙ୍କୁ ଗିରଫ କରି କୋର୍ଟ ଚାଲାଣ କରିଛି ପୁରୀ ଟାଉନ ଥାନା ପୋଲିସ । ଗିରଫ ଅଭିଯୁକ୍ତ ହେଲେ ପୁରୀ ସହରର ରବି ନାରାୟଣ ଆପଟ, କାହ୍ନୁ ମହାପାତ୍ର, ଚୈତନ୍ୟ ପୃଷ୍ଟି, ସତ୍ୟ ରଂଜନ ପଣ୍ଡା ।
ଦାଦା ବଟି ମାଗିବା ଅଭିଯୋଗ , 4 ଗିରଫ
ପୋଲିସର ସୂଚନା ଅନୁଯାୟୀ, ଅଭିଯୁକ୍ତ ମାନେ ମରିଚିକୋଟ ଛକରେ ଥିବା ଅଭିରାମ ପରମହଂସ ଆଶ୍ରମକୁ ଯାଇ ସେଠାରେ କାର୍ଯ୍ୟ କରୁଥିବା ବାବାଜୀ ଅରବିନ୍ଦ ଦାସଙ୍କୁ 30 ହଜାର ଟଙ୍କା ଦାଦାବଟି ମାଗିଥିଲେ । ଗାଳି ଗୁଲଜ କରିବା ସହ ଟଙ୍କା ନ ଦେଲେ ଜୀବନରୁ ମାରି ଦେବାକୁ ଧମକ ଦେଇଥିଲେ । ଏନେଇ ଟାଉନ ଥାନାରେ ଅଭିଯୋଗ ହେବା ପରେ ପୋଲିସ ଘଟଣାର ତଦନ୍ତ କରି 4 ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି । ଅଭିଯୁକ୍ତଙ୍କ ଠାରୁ 30 ହଜାର ଟଙ୍କା ଜବତ କରାଯାଇଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
