ପୁରୀ: ସେବା, ଦକ୍ଷତା ଓ ପରିଶ୍ରମକୁ ସମ୍ମାନ । ତଦନ୍ତରେ ଉତ୍କର୍ଷତା ପାଇଁ ଓଡ଼ିଶାର ୪ ଜଣ ପୋଲିସ ଅଫିସରଙ୍କୁ କେନ୍ଦ୍ର ଗୃହ ମନ୍ତ୍ରଣାଳୟ ଆସନ୍ତା ଅଗଷ୍ଟ ୧୫ ତାରିଖରେ ସମ୍ମାନିତ କରିବ । ତେବେ ପୁରୀ ସିଟି ଡିଏସପି କେନ୍ଦ୍ର ଗୃହ ମନ୍ତ୍ରଣାଳୟ ଦ୍ବାରା ସମ୍ମାନିତ ହେବାକୁ ମନୋନୀତ ହେବା ପରେ ତାଙ୍କୁ ସବୁଆଡୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି । ୨୦୨୨ ମସିହା ପାଇଁ ପୁରୀ ସିଟି ଡିଏସପି ଏହି ପୁରସ୍କାର ପାଇବେ ।
ଇନ୍ସପେକ୍ଟର ଦୁର୍ଗେଶ ନନ୍ଦିନୀ ମହାନ୍ତି, ପୁରୀର ସିଟି ଡିଏସପି ପ୍ରଶାନ୍ତ କୁମାର ସାହୁ, ଡେପୁଟୀ ଏସପି ମାନଓ ରଞ୍ଜନ ପ୍ରଧାନ, ଡେପୁଟୀ ଏସପି ପ୍ରଭାତ କୁମାର ବିଶ୍ବାଳ ଏହି ସମ୍ମାନ ଲାଗି ମନୋନୀତ ହୋଇଛନ୍ତି । ତେବେ ପୁରୀ ସିଟି ଡିଏସପି କେନ୍ଦ୍ର ଗୃହ ମନ୍ତ୍ରଣାଳୟ ଦ୍ବାରା ସମ୍ମାନିତ ହେବାକୁ ମନୋନୀତ ହେବା ପରେ ତାଙ୍କୁ ସବୁଆଡୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି । ତେବେ ୨୦୨୨ ମସିହା ପାଇଁ ପୁରୀ ସିଟି ଡିଏସପି ଏହି ପୁରସ୍କାର ପାଇବେ । ସେ ୨୦୨୨ ମସିହାରେ ଗଞ୍ଜାମ ଜିଲ୍ଲା ଆସ୍କା ଥାନାରେ ଇନ୍ସପେକ୍ଟର ଥିବା ବେଳେ ତାଙ୍କର ଉତ୍ତମ କାର୍ଯ୍ୟ ଦକ୍ଷତା ପାଇଁ ଏହି ସମ୍ମାନ ପାଇବେ।
ତେବେ ପୁରୀ ସିଟି ଡିଏସପି ଭାବେ କାର୍ଯ୍ୟରତ ପ୍ରଶାନ୍ତ କୁମାର ସାହୁ ୨୦୦୫ ମସିହାରେ ଓଡ଼ିଶା ପୋଲିସରେ ଯୋଗ ଦେଇଥିଲେ । ସେ ଗଞ୍ଜାମର ଆସ୍କା ଥାନାରେ ସେ ସବ-ଇନ୍ସପେକ୍ଟର ଭାବେ କାର୍ଯ୍ୟ ଆରମ୍ଭ କରିଥିଲେ । ପରେ ଗଞ୍ଜାମର ବିଭିନ୍ନ ଥାନାରେ ସଫଳତାର ସହ କାର୍ଯ୍ୟ କରି ଆସ୍କା ଥାନା ଅଧିକାରୀ ଭାବେ ଯୋଗ ଦେଇଥିଲେ । ତାଙ୍କ କାର୍ଯ୍ୟକାଳରେ ଆସ୍କା ଥାନା ସାରା ଦେଶରେ ଏକ ନମ୍ବର ଥାନା ଭାବେ ପୁରସ୍କୃତ ହୋଇଥିଲା । ତେବେ ତଦନ୍ତରେ ଉତ୍କର୍ଷତା ପାଇଁ କେନ୍ଦ୍ର ଗୃହ ମନ୍ତ୍ରଣାଳୟ ଦ୍ବାରା ସମ୍ମାନିତ ହେବା ପାଇଁ ପ୍ରଶାନ୍ତ ମନୋନୀତ ହେବା ପରେ ସେ ବେଶ ଖୁସି ଓ ଉତ୍ସାହିତ ଥିବା କହିଛନ୍ତି ।
ଆଗାମୀ ଦିନରେ କିଭଳି ଲୋକଙ୍କୁ ତ୍ବରିତ ନ୍ୟାୟ ପ୍ରଦାନ କରିହେବ ସେ ଦିଗରେ ଆହୁରି କଠିନ ପରିଶ୍ରମ କରିବେ ବୋଲି ପୁରୀ ସିଟି ଡିଏସପି ପ୍ରଶାନ୍ତ କହିଛନ୍ତି । ମହାପ୍ରଭୁ ଶ୍ରୀଜଗନ୍ନାଥଙ୍କ ଆଶୀର୍ବାଦରୁ ସେ ଏହି ସ୍ଥାନରେ ପହଞ୍ଚି ଥିବା ପ୍ରଶାନ୍ତ କହିଛନ୍ତି । ପୁରୀ ସହରର ଏକ ଅନ୍ତର୍ଜାତୀୟ ପର୍ଯ୍ୟଟନ ସ୍ଥଳୀ ହୋଇଥିବାରୁ ଭକ୍ତ, ପର୍ଯ୍ୟଟକ ଓ ପୁରୀ ବାସିନ୍ଦାଙ୍କ ସୁରକ୍ଷା ତାଙ୍କର ପ୍ରାଥମିକ କର୍ତ୍ତବ୍ୟ ରହିବ ବୋଲି ପୁରୀ ସିଟି ଡିଏସପି ତାଙ୍କ ପ୍ରତିକ୍ରିୟାରେ କହିଛନ୍ତି ।
ଇଟିଭି ଭାରତ, ପୁରୀ
