ପୁରୀ : ୧୦୦ମି.ଲି ବିଶିଷ୍ଠ ୫୦ଟି କୋରେକ୍ସ ଜବତ ସହ ୪ ଜଣଙ୍କୁ ଗିରଫ କଲା ପୁରୀ ଟାଉନ ଥାନା ପୋଲିସ । ସ୍ଥାନୀୟ ଜଗନ୍ନାଥ ବଲ୍ଲଭମଠ ଓ ପୋଖରିଆ ଛକରେ କୋରେକ୍ସ କାରବାର ଚାଲିଥିବା ଖବର ପାଇ ପୁରୀ ଟାଉନ ଥାନା ପୋଲିସ ଚଢାଉ କରିଥିଲା।
ତେବେ ଏହି କାରବାରରେ ସଂପୃକ୍ତ ଲୋକନାଥ ରୋଡର ବାବୁନି ଓରଫ ସତ୍ୟନାରାୟଣ ତ୍ରିପାଠୀ, ଶ୍ରୀରାମଚନ୍ଦ୍ରପୁରର ସାମୁ ଓରଫ ସୁରେଶ ମହାପାତ୍ର, କୁମ୍ଭାରପଡାର ସେକ ଫକିରା ଓ ନରେନ୍ଦ୍ରକୋଣର ରକି ଓରଫ ରବିନାରାୟଣ ମେକାପକୁ ଗିରଫ କରାଯାଇଛି। ସେମାନଙ୍କଠାରୁ ୧୦୦ମି.ଲି ବିଶିଷ୍ଠ ୫୦ଟି କୋରେକ୍ସ , ୪ଟି ମୋବାଇଲ , ଗୋଟିଏ ଅଟୋ ଓ ଗୋଟିଏ ବାଇକ ଜବତ କରାଯାଇଛି।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
