ରଥଯାତ୍ରା: ଗଡିଲା ତାଳଧ୍ୱଜ

ଗଜପତି ମହାରାଜାଙ୍କ ଛେରା ପହଁରା ପରେ ଗଡିଛି ତାଳଧ୍ୱଜ ରଥ । ଶ୍ରୀଗୁଣ୍ଡିଚା ମନ୍ଦିର ଅଭିମୁଖେ ରଥ ଟାଣି ଟାଣି ନେଉଛନ୍ତି ଲକ୍ଷ ଲକ୍ଷ ଶ୍ରଦ୍ଧାଳୁ ।

ପୁରୀ: ବଡଦାଣ୍ଡରେ ଗଡିଲା ବଡଠାକୁର ବଳଦେବଙ୍କ ତାଳଧ୍ୱଜ ରଥ । ଗଜପତି ମହାରାଜାଙ୍କ ଛେରା ପହଁରା ପରେ ଗଡିଛି ତାଳଧ୍ୱଜ ରଥ । ଭକ୍ତ ଓ ଭଗବାନଙ୍କ ଅପୂର୍ବ ମିଳନରେ ଲକ୍ଷ ଲକ୍ଷ ଭକ୍ତ ଏକାକାର ହୋଇଛନ୍ତି ।

ବଡଦାଣ୍ଡ ଜନସମୁଦ୍ର ପାଲଟି ଥିବାବେଳେ ମାଉସୀ ମା ମନ୍ଦିର ଅଭିମୁଖେ ଗଡିଛି ବଳଦେବଙ୍କ ତାଳଧ୍ବଜ ରଥ । ତିନି ରଥରେ ଗଜପତି ମହାରାଜ ଛେରା ପହଁରା ନୀତି କରିବା ପରେ ରଥରେ ଚାରମାଳ କଢା ଯାଇ ରଥ ଦଉଡି ଲଗା ଯାଇଥିଲା । ଏହାପରେ ଶ୍ରୀଗୁଣ୍ଡିଚା ମନ୍ଦିର ଅଭିମୁଖେ ରଥ ଟାଣି ଟାଣି ନେଉଛନ୍ତି ଲକ୍ଷ ଲକ୍ଷ ଶ୍ରଦ୍ଧାଳୁ ।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ