ନୂଆପଡା: ପୁଣିଥରେ ନୂଆପଡା ଜିଲ୍ଲାରେ ବାଘ ଆତଙ୍କ । ଜିଲ୍ଲାର ଦେଓଦରା ଗାଁ ନିକଟସ୍ଥ ପାଟି ଜଙ୍ଗଲରେ କଲରା ପତରିଆ ବାଘ ଥିବା ସ୍ପଷ୍ଟ ହୋଇଛି । ପାଟି ଜଙ୍ଗଲରୁ କଲରା ପତରିଆ ବାଘ ଆସି ଗାଁରୁ ଛେଳି ମେଣ୍ଡା ମାରି ଖାଉଥିବା ଲୋକେ ଅଭିଯୋଗ କରିଛନ୍ତି ।
ଅଭିଯୋଗ ଅନୁସାରେ ଗତ ରାତିରେ ଦେଓଦରା ଗାଁର ତ୍ରିନାଥ ଦୀପଙ୍କ ଗୁହାଳକୁ କଲରା ପତରିଆ ବାଘ ପଶି 2ଟି ଛେଳିକୁ ମାରିଦେଇଥିବାବେଳେ, ଆଉ ଗୋଟିଏ ଛେଳି କୁ ନେଇଯାଇଛି । ଏହାସହ ଗ୍ରାମର ଚାରିପଟେ ବାଘର ପାଦ ଚିହ୍ନ ମଧ୍ୟ ପଡିଛି । ବର୍ଷର ବିଭିନ୍ନ ସମୟରେ ଜିଲ୍ଲାରେ ବାଘ ଆତଙ୍କ ଲାଗି ରହୁଛି । ଫଳରେ ଲୋକେ ଏବେ ଆତଙ୍କିତ ହୋଇପଡିଛନ୍ତି ।
ଭିଡିଓ ସୌଜନ୍ୟ: ପ୍ରତିନିଧି ନୂଆପଡା
ଏହି ଘଟଣାର ଖବର ପାଇ ନୂଆପଡା ରେଞ୍ଜର ଅସିତ ଦାସ ଓ ତାଙ୍କ ଟିମ ଗାଁରେ ପହଞ୍ଚି ତଦନ୍ତ କରିବା ସହ ଲୋକଙ୍କୁ ଆତଙ୍କିତ ନହେବା ପାଇଁ ପରାର୍ମଶ ଦେଇଛନ୍ତି ।
ନୂଆପଡାରୁ ମୋତିଲାଲ ବାଗ, ଇଟିଭି ଭାରତ
