ନୂଆପଡା: ଅନ୍ଧବିଶ୍ବାସର ଭୟଙ୍କର ପରିଣତି । ଗୁଣିଗାରେଡି ସନ୍ଦେହରେ ହତ୍ୟା । ଗୁଣିଗାରେଡି ସନ୍ଦେହରେ 60ବର୍ଷୀୟ ବୃଦ୍ଧାଙ୍କୁ ଗଳାକାଟି ହତ୍ୟା କରାଯାଇଛି । ଏଭଳି ଅଭାବନୀୟ ଘଟଣା ଘଟିଛି ଧରମବନ୍ଧା ଥାନା ଅନ୍ତର୍ଗତ ପାରେଗାଁରେ । ନୂଆପଡା ଜିଲ୍ଲା ପାରେଗାଁରେ ଅନ୍ଧବିଶ୍ୱାସର ବଶବର୍ତ୍ତୀ ହୋଇ ଗୁଣିଗାରେଡି ସନ୍ଦେହରେ ଜଣେ ବୃଦ୍ଧାଙ୍କୁ ଗଳାକାଟି ନିର୍ମମ ଭାବରେ ହତ୍ୟା କରାଯାଇଛି । ପରେ ଘଟଣାରେ ସମ୍ପୃକ୍ତ ଅଭିଯୁକ୍ତ ପୋଲିସ ଗିରଫ କରିଥିଲା ।
ସୂଚନା ମୁତାବକ, ପାରେଗାଁର ଅଭିଯୁକ୍ତ ଦେଓସିଂ କେଉଁଟଙ୍କ ବଡଭାଇ ପରମାନନ୍ଦ ସ୍ତ୍ରୀ କମଳାଙ୍କ କିଛିବର୍ଷ ପୂର୍ବେ ମୃତ୍ୟୁ ହୋଇଥିଲା । ସେହିଗାଁର 60ବର୍ଷୀୟ ବୃଦ୍ଧା କାନ୍ତ କେଉଁଟ ଭାଇ ପରମାନନ୍ଦ ଓ ତାର ସ୍ତ୍ରୀ କମଳାକୁ ଗୁଣିଗାରେଡି କରିଥିବା ସନ୍ଦେହ କରିଥିଲା । ଯେଉଁ କାରଣରୁ କମଳାଙ୍କର ମୃତ୍ୟୁ ହୋଇଥିବା ଅନୁମାନ କରିଥିଲା ଦେଓସିଂ କେଉଁଟ । ଗତ 23 ତାରିଖ ଦିନ 60ବର୍ଷୀୟ ବୃଦ୍ଧା କାନ୍ତ କେଉଁଟ ଚାଷ ଜମିକୁ ମାଛଧରିବା ପାଇଁ ଯାଇଥିଲା । ପ୍ରତିଶୋଧ ପରାୟଣ ହୋଇ ଅଭିଯୁକ୍ତ ଦେଓସିଂ କେଉଁଟ ଏକଧାରୁଆ ଅସ୍ତ୍ର ସାହାଯ୍ୟରେ ବୃଦ୍ଧା କାନ୍ତ କେଉଁଟର ଗଳାକାଟି ହତ୍ୟା କରିଥିଲା ।
ଏହା ମଧ୍ୟ ପଢନ୍ତୁ: Witchcraft: ଗୁଣିଗାରେଡ଼ି ସନ୍ଦେହରେ ମହିଳାଙ୍କୁ ହତ୍ୟା ଘଟଣା, ୧୧ ଜଣଙ୍କୁ ଆଜୀବନ କାରାଦଣ୍ଡ
ତେବେ ଘଟଣା ବାବଦରେ ଆଜି ନୂଆପଡା ଜ଼ିଲ୍ଲା ସଦର SDPO ପ୍ରଶାନ୍ତ କୁମାର ପଟ୍ଟନାୟକଙ୍କ ଏକ ସାମ୍ବାଦିକ ସମ୍ମିଳନୀ କରିଥିଲେ । ଏହି ସାମ୍ବାଦିକ ସମ୍ମିଳନୀରେ ସେ SDPO ପ୍ରଶାନ୍ତ କୁମାର ପଟ୍ଟନାୟକ କହିଛନ୍ତି " 60 ବର୍ଷିୟ ବୃଦ୍ଧା କାନ୍ତା କେଉଁ ବାହାରକୁ ମାଛ ଧରିବାକୁ ଯାଇଥିଲା । ପରେ ସେ ଆଉ ଘରକୁ ଫେରି ନଥିଲେ । ପରେ କାନ୍ତା କେଉଁଟର ମୃତଦେହ ଜମିରେ ବେକ କଟା ହୋଇ ପଡିଥିବା ନେଇ ପରିବାର ଲୋକଙ୍କ ଜଣାଇଥିଲେ ମୃତ କାନ୍ତାଙ୍କ ସଂପର୍କିୟ ଭାଇ ପ୍ୟାରି କେଉଁଟ । ଏନେଇ ପୋଲିସ ଘଟଣାର ତଦନ୍ତକରି ଅଭିଯୁକ୍ତ ଦେଓସିଂ କେଉଁଟକୁ ଗିରଫ କରିଥିଲା । ଘଟଣାର ତଦନ୍ତ କରିବା ପରେ ଜଣା ପଡିଥିଲା ଯେ ଅଭିଯୁକ୍ତ ଦେଓସିଂର ଭାଇ ପରମାନନ୍ଦର ଦୀର୍ଘ ୫ ବର୍ଷ ତଳେ ମୃତ୍ୟୁ ହୋଇଥିଲା । ପରେ ଦେଓସିଂର ସ୍ତ୍ରୀ କମଳାର ଜ୍ବର ହୋଇଥିବା କାରଣରୁ ମୃତ୍ୟୁ ହୋଇଥିଲା । ଏହା ପରେ ଦେଓ ସିଂ 60 ବର୍ଷିୟ ବୃଦ୍ଧା କାନ୍ତାକୁ ତାର ପରିବାର ଉପରେ ଗୁଣିଗାରେଡି କରିଥିବା ସନ୍ଦେହ କରିଥିଲା । ଏନେଇ ସେ ପ୍ରତିଶୋଧ ପରାୟଣ ହୋଇ ବୃଦ୍ଧା କାନ୍ତ କେଉଁଟକୁ ଗଳାକାଟି ହତ୍ୟା କରିଥିଲା ।"
ଇଟିଭି ଭାରତ, ନୂଆପଡା
