ନୂଆପଡା: ପ୍ରକାଶ ପାଇଲା ନୂଆପଡା ନଂ 2 ଜିଲ୍ଲା ପରିଷଦ ଜୋନ୍ ଉପନିର୍ବାଚନ ଫଳାଫଳ । ନିର୍ବାଚନରେ ବିଜେଡିର ଅବନୀ ରଞ୍ଜନ ଯୋଶୀ ବିପୁଳ ମାତ୍ରାରେ ଭୋଟ ପାଇ ଜୟଯୁକ୍ତ ହୋଇଛନ୍ତି ।
ନୂଆପଡା ଜିଲ୍ଲା ପରିଷଦ ଉପନିର୍ବାଚନରେ ବିଜେଡି ବିଜୟୀ
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଲୋକପ୍ରିୟତା ଓ ନୂଆପଡା ବିଧାୟକ ରାଜେନ୍ଦ୍ର ଢୋଲକିଆଙ୍କ ପ୍ରତି ଭୋଟରଙ୍କ ଆଶା ଭରସା ଥିବା କାରଣରୁ ନିର୍ବାଚନ ବିଜୟୀ ହୋଇଥିବା ନବ ନିର୍ବାଚିତ ଜିଲ୍ଲା ପରିଷଦ ସଭ୍ୟ ଅବନୀ ରଞ୍ଜନ ଯୋଶୀ କହିଛନ୍ତି । ତେବେ ନିର୍ବାଚନରେ ବିଜେଡି 16ହଜାର 17ଖଣ୍ଡ ଭୋଟ ପାଇ ଥିବାବେଳେ ନିକଟତମ ପ୍ରତିଦ୍ବନ୍ଦି BJP ପ୍ରାର୍ଥୀ ଗୌରୀଶଙ୍କର ପଣ୍ଡା 5ହଜାର 393ଖଣ୍ଡ ଭୋଟ ପାଇଛନ୍ତି । ସେହିଭଳି କଂଗ୍ରେସ ପ୍ରାର୍ଥୀ କାଞ୍ଚନ ଶବର 2ହଜାର 409ଖଣ୍ଡ ଭୋଟ ପାଇଛନ୍ତି । ତେବେ ଆଜି(ଗୁରୁବାର) ନିର୍ବାଚନ କଳ୍ପନା ଜଳ୍ପନା ଅବସାନ ଘଟି ଥିବାବେଳେ ବିଜୟୀ ପ୍ରାର୍ଥୀ ଅବନୀ ରଞ୍ଜନ ଯୋଶୀ ସମେତ ତାଙ୍କ ଦଳ ବିଜୟ ଉତ୍ସବ ପାଳନ କରୁଥିବା ଦେଖାଦେଇଛି ।
ନୂଆପଡାରୁ ମୋତିଲାଲ ବାଗ, ଇଟିଭି ଭାରତ
