ନୂଆପଡା: ଜିଲ୍ଲାର ଖଡ଼ିଆଳ ଜେଏମଡି ଅଟୋ ୟୁନିୟନ ଡ୍ରାଇଭର ସଂଘ ସରକାର ତୁରନ୍ତ ବିଚାର କରି ଅଟୋ ଡ୍ରାଇଭରଙ୍କ ପରିବାରକୁ ଆର୍ଥିକ ସହାୟତା ଯୋଗାଇଦେବା ପାଇଁ ଦାବି କରିଛି । ଲକଡାଉନ ପ୍ରଭାବରେ ଦୀର୍ଘ ଏକ ମାସ ହେବ ଅଟୋ ଗାଡ଼ିରେ ପଡିଛି ତାଲା । ସହରରେ ଅଟୋ ଚଲାଇ ସ୍ୱଳ୍ପ ରୋଜଗାର କରି ପରିବାର ପ୍ରତିପୋଷଣ କରୁଥିବା ଅଟୋ ଡ୍ରାଇଭରଙ୍କ ପରିବାରରେ ଦେଖାଦେଇଛି ସଙ୍କଟ ।
ସରକାରଙ୍କ ଲକଡାଉନ ନିୟମକୁ ପାଳନ କରି ହାତ ବାନ୍ଧି ଘରେ ବସିଛନ୍ତି ଡ୍ରାଇଭର । ହେଲେ ରୋଜଗାର ବନ୍ଦ ହେବାପରେ ଖାଇବେ କଣ ଆଉ କିପରି ତାଙ୍କ ପରିବାର ଚଳିବ । ଏନେଇ ସରକାର କୌଣସି ବିଚାର କଲେ ନାହିଁ ବୋଲି ୟୁନିୟନ ଅଭିଯୋଗ କରିଛି । ଏପଟେ ଚାଷୀ, ମୂଲିଆ, ରାସନକାର୍ଡ ଧାରୀ, ନିର୍ମାଣ ଶ୍ରମିକ, ଉଠାଦୋକାନୀ ସମସ୍ତଙ୍କୁ ଆର୍ଥିକ ସହାୟତା ଯୋଗାଇ ଦେଇଛନ୍ତି ସରକାର । ଅପରପକ୍ଷେ ଅଟୋ ଡ୍ରାଇଭରଙ୍କ ପରିବାର ପ୍ରତି ଅଣଦେଖା କଲେ ସରକାର ସ୍ୱଳ୍ପ ରୋଜଗାର କରି ପେଟ ଚଳାଉଥିବା ଅଟୋ ଡ୍ରାଇଭର ଙ୍କ ପେଟ କଥା ବୁଝି ପାରିଲେ ନାହିଁ ସରକାର ।
ନୂଆପଡାରୁ ମୋତିଲାଲ ବାଗ, ଇଟିଭି ଭାରତ
