ନୂଆପଡା: ଖଡ଼ିଆଳ ଥାନା ଅନ୍ତର୍ଗତ ନେହେନା ଗାଁରେ ଅଭାବନୀୟ ଘଟଣା । ଭାଇର ଚାପୁଡ଼ା ମାଡରେ ଭଉଣୀ ମୃତ । ସୂଚନାନୂଯାୟୀ, ଭଉଣୀ ଅଙ୍କିତା ଦଣ୍ଡସେନା ଗାଁରେ ହେଉଥିବା ରାମନବମୀ ମେଳା ଦେଖିବାକୁ ଯିବାପାଇଁ ଭାଇ ମୁଚୁକୁନ୍ଦୁଙ୍କୁ କହିଥିଲା । ମୁଚୁକୁନ୍ଦୁ ମନା କରିବାରୁ ଭଉଣୀ ଅଙ୍କିତା ଜିଦ ଧରିଥିଲା । ଫଳରେ ମୁଚୁକୁନ୍ଦୁ ବିରକ୍ତ ହୋଇ ଅଙ୍କିତାକୁ ଚାପୁଡ଼ା ମାରିଥିଲା । ଫଳରେ ଅଙ୍କିତାର ଘଟଣାସ୍ଥଳରେ ହିଁ ମୃତ୍ୟୁ ହୋଇଥିଲା ।
ଘଟଣାକୁ ପରିବାରଲୋକେ ଲୁଚାଇଦେଇ କେହିକିଛି ଜାଣିବାପୁର୍ବରୁ ନିକଟସ୍ଥ ସୁନ୍ଦର ନଈ କୂଳକୁ ନେଇ ତରବରିଆ ଶବ ସଂସ୍କାର କରିଦେଇଥିଲେ । କୌଣସି ସୂତ୍ରରୁ ପୋଲିସ ଖବରପାଇ ହାଡ ପାଉଁଶ ଜବତକରୀ ମୁଖ୍ୟ ଅଭିଯୁକ୍ତ ମୁଚୁକୁନ୍ଦୁ ଦଣ୍ଡସେନା, ପିତା ଦୁର୍ବାରଞ୍ଜନ ଦଣ୍ଡସେନା ସହ ପରିବାରର 5 ଜଣଙ୍କୁ ଗିରଫ କରି ତଦନ୍ତ ଜାରି ରଖିଛି ।
ନୂଆପଡାରୁ ମୋତିଲାଲ ବାଗ, ଇଟିଭା ଭାରତ
