ନୂଆପଡା: ରାତ୍ରି ତମାମ ଜଳ ସହ ସଙ୍ଘର୍ଷ । ଦୀର୍ଘ 9 ଘଣ୍ଟାର ପ୍ରଚେଷ୍ଟା ପରେ 10 ଜଣ ଗାଈ ଚରାଳୀଙ୍କୁ ଉଦନ୍ତୀ ନଦୀ ବନ୍ୟାଜଳରୁ ରେସ୍କ କ୍ୟୁ କରାଯାଇଛି । ତେବେ ବୋଟ ସାହାଯ୍ୟରେ ପ୍ରଥମେ 7 ଜଣଙ୍କୁ ଏବଂ ପରେ 3 ଜଣଙ୍କୁ ଉଦ୍ଧାର କରିବାରେ ସଫଳ ହୋଇଛି ମିଳିତ ଖଡ଼ିଆଳ ସିନାପାଲି ଦମକଳ ବାହିନୀ ।
ଖବର ଅନୁଯାୟୀ, ନୂଆପଡା ଜିଲ୍ଳା ସିନାପାଲି ଉଦନ୍ତୀ ନଦୀ ବନ୍ୟା ବିତ୍ପାତ ଘଟଣା। ଜଳବନ୍ଦୀ ଥିଲେ 10 ଜଣ ଗାଈ ଚରାଳି ସହ 300 ଗାଈ, ଛେଳି ଓ ମେଣ୍ଢା । ଖବର ପାଇ ସିନାପାଲି ଦମକଳ ବାହିନୀ ଘଟଣାସ୍ଥଳରେ ପହଞ୍ଚିବା ସହ ଉଦ୍ଧାର କାର୍ଯ୍ୟ ଜାରି ରଖିଥିଲା । ପରିସ୍ଥିତି ସଂକଟାପନ୍ନ ଥିବାରୁ ନିକଟସ୍ଥ ଖଡ଼ିଆଳ ଦମକଳ ବାହିନୀର ସାହାଯ୍ୟ ଲୋଡିଥିଲା ସିନାପାଲି ଦମକଳ ବାହିନୀ ।
ପାଣିର ଗତି ପ୍ରଖର ଥିବାରୁ ଉଦ୍ଧାର କାର୍ଯ୍ୟ ବହୁ କଷ୍ଟକର ଥିବା ଦମକଳ ବାହିନୀ କର୍ମଚାରୀ ସୂଚନା ଦେଇଛନ୍ତି । ସେହିଭଳି ବନ୍ୟପାଣିରେ ଫସି ରହିଥିବା ଲୋକମାନେ ଆତଙ୍କିତ ଥିବା କହିଛନ୍ତି । ସମସ୍ତଙ୍କୁ ସୁରକ୍ଷିତ ଉଦ୍ଧାର କରିଥିବାରୁ ଉଭୟ ଖଡ଼ିଆଳ ଏବଂ ସିନାପାଲି ଦମକଳ ବାହିନୀଙ୍କୁ ସ୍ଥାନୀୟ ଲୋକେ ଧନ୍ୟବାଦ ଦେଇଛନ୍ତି ।
ନୂଆପଡାରୁ ମୋତିଲାଲ ବାଗ୍, ଇଟିଭି ଭାରତ
