ନୂଆପଡ଼ା: ସିନାପାଲି ବ୍ଲକରେ ମର୍ମନ୍ତୁଦ ସଡକ ଦୁର୍ଘଟଣା । ମାଲ ବୋଝେଇ ଟ୍ରିପର ଗାଡି ଧକ୍କାରେ 2 ମୋଟର ସାଇକେଲ ଆରୋହୀଙ୍କ ମୃତ୍ୟୁ ହୋଇଛି । ମୃତ ଦୁଇଜଣ ବ୍ୟକ୍ତି ନିକଟସ୍ଥ ହଲଦୀମୁଣ୍ଡା ଗ୍ରାମର ତେଜରାଜ ଗହୀର ଏବଂ ହବେଲାଲ ଗହୀର ବୋଲି ଜଣାପଡିଛି । ସୂଚନାମତେ ନିଲଜି ଗ୍ରାମପଟୁ ହବେଲାଲ ଏବଂ ତେଜରାଜ ଦୁହେଁ ମୋଟର ସାଇକେଲରେ ସିନାପାଲି ଅଭିମୁଖେ ଯାଉଥିଲେ । ଏତିକିବେଳେ ଏକ ମାଲ ବୋଝେଇ ଟ୍ରିପର ଗାଡି ଦୃତ ଗତିରେ ଆସି ମୋଟର ସାଇକଲକୁ ଧକ୍କା ଦେଇଥିଲା ।
ଫଳରେ ମୋଟର ସାଇକଲରେ ଥିବା 2ଜଣ ବ୍ୟକ୍ତିଙ୍କର ଘଟଣାସ୍ଥଳରେ ମୃତ୍ୟୁ ଘଟିଛି । ଖବରପାଇ ସିନାପାଲି ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିବାସହ ଅଧିକ ତଦନ୍ତ ଚଳାଇଛି । ଉଭୟ ବ୍ୟକ୍ତିଗତ କାମରେ ବାହାରକୁ ଯାଇଥିଲେ । ହେଲେ ଘରକୁ ଫେରିଲା ବେଳେ ଏଭଳି ଅଘଟଣ ଘଟିଥିବା କୁହାଯାଉଛି । ସେପଟେ ଏହି ଘଟଣାକୁ ନେଇ ମୃତକଙ୍କ ପରିବାରରେ ଶୋକର ଛାୟା ଖେଳିଯାଇଛି ।
ଇଟିଭି ଭାରତ, ନୂଆପଡ଼ା
