ନୂଆପଡ଼ା: OBC ମଞ୍ଚ ଆହ୍ବାନ କ୍ରମେ ଆଜି ନୂଆପଡା ଜିଲ୍ଲା ବ୍ୟାପୀ 12 ଘଣ୍ଟିଆ ବନ୍ଦ ପାଳନ କରାଯାଇଛି । ବନ୍ଦ ପ୍ରଭାବରେ ଖଡ଼ିଆଳ, ବୋଡେନ, ସିନାପାଲି, କୋମନା, ନୂଆପଡା ଆଦି ଅଞ୍ଚଳରେ ଗାଡ଼ି ମୋଟର ଯାନବାହାନ ଚଳାଚଳ ଠପ ଥିବାବେଳେ, ଦୋକାନ ବଜାର ସମ୍ପୂର୍ଣ୍ଣ ବନ୍ଦ ହୋଇପଡିଛି । ସ୍ଥାନେ ସ୍ଥାନେ ଆନ୍ଦୋଳନକାରୀଗଣ ପିକେଟିଂ କରି ସହର ପରିକ୍ରମା କରୁଥିବା ଦେଖାଦେଇଛି । ଭାରତ ସମ୍ବିଧାନରେ OBC ବର୍ଗର ନାଗରିକଙ୍କ ପାଇଁ ନିଯୁକ୍ତି, ଶିକ୍ଷା, ରାଜନୀତି ଓ ଅନ୍ୟାନ୍ୟ କ୍ଷେତ୍ରରେ 27% ସ୍ଥାନ ସଂରକ୍ଷଣ ବ୍ୟବସ୍ଥା ରହିଛି । ହେଲେ ଓଡ଼ିଶା ସରକାର OBC ଲୋକଙ୍କ ପ୍ରତି ଅଣଦେଖା କରୁଥିବା ଆନ୍ଦୋଳନକାରୀମାନେ ଅଭିଯୋଗ କରିଛନ୍ତି ।
ନିକଟରେ 73ତମ ପଞ୍ଚାୟତିରାଜ ନିର୍ବାଚନ ବିଗୁଲ ବାଜିଥିବାବେଳେ, ସରପଞ୍ଚ, ସମିତିସଭ୍ୟ,ଜିଲ୍ଲା ପରିଷଦ ଆଦି ବିଭିନ୍ନ ପଦବି ପାଇଁ ଆରକ୍ଷଣ ବ୍ୟବସ୍ଥାରେ OBCକୁ ସରକାର ମୂଳପୋଛ କରିଥିବା ଅଭିଯୋଗ ହୋଇଛି । ଫଳରେ ରାଜ୍ୟସରକାରଙ୍କ ବିରୋଧରେ ଗର୍ଜିଛନ୍ତି ଆନ୍ଦୋଳନକାରୀ । ଏପଟେ ପୋଲିସ ପକ୍ଷରୁ ଶାନ୍ତିଶୃଙ୍ଖଳା ରକ୍ଷା ପାଇଁ ବିଭିନ୍ନ ସ୍ଥାନରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି ।
ନୂଆପଡ଼ାରୁ ମୋତିଲାଲ ବାଗ, ଇଟିଭି ଭାରତ
