ନୟାଗଡ: ମାନସିକ ବିକାରଗ୍ରସ୍ତଙ୍କ ସାହା ହେଲେ ଯୁବବର୍ଗ । ଯେଉଁଠି ମାନସିକ ବିକାରଗ୍ରସ୍ତ ଲୋକଙ୍କଠାରୁ ଲୋକେ ଦୂରତା ପାଳନ କରିଥାନ୍ତି ସେମାନଙ୍କୁ ହାତ ଧରିଛନ୍ତି କିଛି ଯୁବବର୍ଗ । ଯେଉଁମାନଙ୍କ ଦୁଃଖସୁଖ ବୁଝିବାକୁ କେହି ନାହିଁ ତାଙ୍କ ପାଇଁ ଖୋଲା ହୃଦୟର ସହ ସେବା କରୁଛନ୍ତି ନୟାଗଡ ଜିଲ୍ଲା ଗଣିଆ ବ୍ଲକ ଛାମୁଣ୍ଡିଆ ଆଞ୍ଚଳର କିଛି ଯୁବବର୍ଗ ।
ଜିଲ୍ଲାରେ ଥିବା ମାନସିକ ବିକାରଗ୍ରସ୍ତ ବ୍ୟକ୍ତିଙ୍କ ସେବା କରିଛନ୍ତି । ସେମାନଙ୍କୁ ଗାଧୋଇଦେବା ସହ ସେମାନଙ୍କ ଦାଢ଼ି କାଟି ତାଙ୍କୁ ସଫାସୁତୁରା କରାଇଛନ୍ତି l ଶୀତର ପ୍ରକୋପରୁ ସେମାନଙ୍କୁ ରକ୍ଷା କରିବା ପାଇଁ ସେମାନଙ୍କୁ ପିନ୍ଧିବା ପାଇଁ ପୋଷାକ ପ୍ରଦାନ କରିଥିଲେ । ଏହା ସହ ସେମାନଙ୍କୁ ଖାଦ୍ୟ ପ୍ରଦାନ କରିଥିଲେ । ଯୁବକମାନେ ନିଜ ପ୍ରଚେଷ୍ଟାରେ ଏହି କାର୍ଯ୍ୟ କରିଛନ୍ତି l
ଯୁବକମାନଙ୍କର ଏହି ମହାନ ପ୍ରୟାସକୁ ସାଧାରଣରେ ଵେଶ ପ୍ରଶଂସା କରାଯାଇଛି l ଏହି କାର୍ଯ୍ୟକ୍ରମ କୁଗଣିଆ ବ୍ଲକ ଛାମୁଣ୍ଡିଆ ଅଞ୍ଚଳର ମାନସ ସାମଲ, ପ୍ରଭାତ ଆଚାର୍ଯ୍ୟ, ଦିଗମ୍ବର ସାହୁ, ସୁଶାନ୍ତ ଦଳେଇ, ପ୍ରକାଶ ସାହୁ ପ୍ରମୁଖ ପରିଚାଳନା କରିଥିଲେ ।
ନୟାଗଡରୁ ଜୟେନ୍ଦ୍ର ବେହେରା, ଇଟିଭି ଭାରତ
