ନୟାଗଡ଼: ଗୋରୁ ଚୋରଙ୍କ ଆକ୍ରମଣର ଶିକାର ହେଲେ ଯୁବକ । ରାତିରେ ଗାଇ ଚୋରି କରିବାକୁ ଆସିଥିବା ଚୋର ଦଳ ହାବୁଡରେ ପଡିବାରୁ ଯୁବକଙ୍କୁ ଆକ୍ରମଣ କରାଯାଇଥିବା ଅଭିଯୋଗ ହୋଇଛି । ଯୁବକ ଜଣଙ୍କ ଆକ୍ରମଣରେ ଆହତ ହୋଇଥିବା ବେଳେ ଏନେଇ ନ୍ୟାୟ ପାଇଁ ଥାନାର ଦ୍ବାରସ୍ଥ ମଧ୍ୟ ହୋଇଛନ୍ତି ।
ଗାଈ ଚୋରଙ୍କ ଆକ୍ରମଣର ଶିକାର ହେଲେ ଯୁବକ
ସୂଚନା ଅନୁସାରେ ବିଳମ୍ବିତ ରାତିରେ କନ୍ଧନୟାଗଡ଼ ଗ୍ରାମର ବିକ୍ରମ ଗୁରୁ ନିଜ ଦୋକାନରୁ ବାଇକ ଯୋଗ ଫେରୁଥିବା ବେଳେ ଘର ସାମ୍ନାରେ ୫ରୁ ୭ଜଣ ଦୁବୁର୍ତ୍ତ ୨ଟି ଗାଇକୁ ଜୋର ଜବରଦସ୍ତ ଏକ ଟାଟା ପିକଅପ ଗାଡ଼ିରେ ଭର୍ତ୍ତିକରି ନେଉଥିଲେ l ଏହି ସମୟରେ ଯୁବକ ଜଣଙ୍କ ପ୍ରତିବାଦ କରିବାରୁ ଗାଇ ଚୋରମାନଙ୍କ ଆକ୍ରମଣର ଶିକାର ହୋଇଛନ୍ତି l
ଏହି ଯୁବକ ଜଣକ ଧରିଥିବା ବାଇକକୁ ଭାଙ୍ଗିବା ସହ ଘର ସାମ୍ନାରେ ଥିବା କାରକୁ ମଧ୍ୟ ଭାଙ୍ଗି ଦେଇଛନ୍ତି । ଏନେଇ ଚାନ୍ଦପୁରଥାନା ଅଧିକାରୀ ଖବର ପାଇ ତୁରନ୍ତ ଘଟଣା ସ୍ତଳରେ ପହଞ୍ଚି ସିସିଟିଭି ଫୁଟେଜ୍ ଆଧାରରେ ତଦନ୍ତ ଆରମ୍ଭ କରିଛନ୍ତି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
