ନୟାଗଡ଼: ନୟାଗଡ଼ ଟାଉନ ଥାନା ଘଡୁଆଳ ନିକଟସ୍ଥ ରିଲାଏନ୍ସ ପେଟ୍ରୋଲ ପମ୍ପ କର୍ମଚାରୀଙ୍କୁ ଛୁରା ମାଡ଼ । ସିସିଟିଭିରେ କଏଦ ହେଲା ଲାଇଭ ଭିଡ଼ିଓ । ତେଲ ପକାଇବା ପରେ କର୍ମଚାରୀ ତାଙ୍କୁ ଟଙ୍କା ମାଗିବାରୁ ଜଣେ ଯୁବକ କର୍ମଚାରୀଙ୍କୁ ଛୁରା ମାଡ଼ କରିଛନ୍ତି । ଘଟଣା ଘଟିବା ପରେ ପୋଲିସ ଉକ୍ତ ଅଭିଯୁକ୍ତଙ୍କୁ ଗିରଫ କରିଛି ।
ଦାଦାବଟି ନ ଦେବାରୁ ଛୁରାମାଡ଼, CCTVରେ କଏଦ ଲାଇଭ ଭିଡ଼ିଓ
ଦୁର୍ଗା ପ୍ରସାଦ ଗାଁର ଯୁବକ ବିଜୟ ଲେଙ୍କା ଏହି ଛୁରା ମାଡ଼ କରିଛନ୍ତି । ନିଜେ ତେଲ ପକାଇ ପଇସା ଦେବା ପରିବର୍ତ୍ତେ ପେଟ୍ରୋଲ ପମ୍ପ କର୍ମଚାରୀଙ୍କୁ ଟଙ୍କା ମାଗିଥିଲେ । ଛୁରା ମାଡ଼ରେ ପେଟ୍ରୋଲ ପମ୍ପ କର୍ମଚାରୀ ରମେଶ ପ୍ରଧାନ ଆହତ ହୋଇଛନ୍ତି । ଖବର ପାଇ ଦାଦାଗିରି ଦେଖାଉଥିବା ଅଭିଯୁକ୍ତ ବିଜୟ ଲେଙ୍କାକୁ ଟାଉନ ଥାନା ପୋଲିସ ଗିରଫ କରିଛି ।
ଦାଦାବଟି ମାଗୁଥିବା ସମସ୍ତ ଘଟଣା ସିସିଟିଭିରେ କଏଦ ହୋଇଛି । ଏହି ଘଟଣା ସ୍ଥାନୀୟ ଅଞ୍ଚଳରେ ଚହଳ ପକାଇଥିବା ବେଳେ ଭିଡିଓ ଏବେ ବେଶ ଭାଇରାଲ ହେବାରେ ଲାଗିଛି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
