ନୟାଗଡ: ସନ୍ଦେହଜନକ ଅବସ୍ଥାରେ ହୋଟେଲରୁ ମହିଳାଙ୍କ ମୃତଦେହ ଉଦ୍ଧାର । ହତ୍ୟା ଅଭିଯୋଗ ଆଣିଲେ ପରିବାର ଲୋକେ । ଏଭଳି ଘଟଣା ଘଟିଛି ନୟାଗଡ଼ ଟାଉନ ଥାନା ତ୍ରିନାଥ ହୋଟେଲରେ । ରବିବାର ରାତିରେ ହୋଟେଲର ୧୦୫ ନମ୍ବର ରୁମରୁ ମହିଳାଙ୍କ ମୃତଦେହ ଉଦ୍ଧାର କରାଯାଇଛି । ମୃତ ମହିଳା ଜଣକ ହେଉଛନ୍ତି ଫତେଗଡ଼ ଥାନା ଅନ୍ତର୍ଗତ ଖୁଣ୍ଟୁପଡା ଗାଁର ସିଲି ବାଘ ସିଂ ।
ହୋଟେଲରୁ ମହିଳାଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ
ସିଲିଙ୍କୁ ପ୍ରଥମେ ଅପହରଣ ଓ ପରେ ହତ୍ୟା କରାଯାଇଥିବା ପରିବାର ଲୋକେ ଅଭିଯୋଗ ଆଣିବା ପରେ ଖୁଣ୍ଟପଡା ଗାଁର NGO ଚଳାଇ ମହିଳାଙ୍କୁ ଋଣ ଦେଉଥିବା ଦୟାନିଧି ମହାପାତ୍ରଙ୍କୁ ଅଟକ ରଖିଛି ପୋଲିସ । ତେବେ ମହିଳା ଦୟାନିଧିଙ୍କ ସହ ହୋଟେଲ ଆସିଥିବା କୁହାଯାଉଛି । କିନ୍ତୁ କେଉଁ କାରଣରୁ ଏଠାକୁ ଆସିଥିଲେ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇ ନାହିଁ । ସେପଟେ ମୃତ୍ୟୁ କେମିତି ହେଲା ତାହା ମଧ୍ୟ ଅସ୍ପଷ୍ଟ ରହିଛି । ଏନେଇ ପୋଲିସ ତଦନ୍ତ ଜାରି ରଖିଛି ।
