ନୟାଗଡ଼: ପରୀ ଗାଉଥିଲା ସୁନ୍ଦର ଗୀତ । ଆଜି ସେ ଦୁନିଆରେ ନାହିଁ ସତ, କିନ୍ତୁ ସେ ଗାଇଥିବା ଜାତୀୟ ସଙ୍ଗୀତଟି ସୋସିଆଲ ମିଡିଆରେ ଭାଇରାଲ ହୋଇଛି । ନୟାଗଡ଼ର ପରୀ ଅପହରରଣ ଓ ହତ୍ୟା ଘଟଣାକୁ ନେଇ ସାରା ରାଜ୍ୟରେ ଚର୍ଚ୍ଚାର ବିଷୟ ପାଲଟିଛି । ଏକ ସ୍ୱରରେ ସମସ୍ତେ ପରୀ ପାଇଁ ନ୍ୟାୟ ଦାବି କରି ବିକ୍ଷୋଭ ଆନ୍ଦୋଳନ କରୁଛନ୍ତି । ଏମିତି କି ଦେଶ ବାହାରୁ ମଧ୍ୟ ପରୀ ପାଇଁ ସ୍ୱର ତେଜିବାରେ ଲାଗିଛି । ଇତିମଧ୍ୟରେ ଭାଇରାଲ ହୋଇଛି ପରୀ ଗାଉଥିବା ସୁନ୍ଦର ଗୀତର ଭିଡିଓ ।
ଭାଇରାଲ ହେଉଛି ପରୀ ଗାଇଥିବା ଜାତୀୟ ସଙ୍ଗୀତ
ପ୍ରଥମେ ଅପହରଣ ଓ ପରେ ହତ୍ୟାର ଶିକାର ହୋଇଥିବା ପରୀ ଭିତରେ ଥିଲା ସୁନ୍ଦର ପ୍ରତିଭା । ସେ ନିଜ ମୋବାଇଲରେ ଜାତୀୟ ସଙ୍ଗୀତ ରେକର୍ଡିଂ କରିଯାଇଛି । ଗତ ଜାନୁଆରୀ 26 ପାଇଁ ସେ ନିଜକୁ ପ୍ରସ୍ତୁତ କରିବା ସମୟରେ ଏହି ଭିଡ଼ିଓ କରିଥିଲା l ପରୀ ଜଣେ ମେଧାବୀ ଥିଲେ l ଗଣିତ ଏବଂ ସାହିତ୍ୟ କୁ ଭଲ ଭାବେ ପଢୁଥିଲା l ମୋବାଇଲ ଚଲାଇ ଜାଣିନଥିଲେ ବି ଏହି ଭିଡ଼ିଓଟି କରିଥିଲା ପରୀ ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
