ନୟାଗଡ଼ : ଗାଁରେ କାଠ ଜବତ ବେଳେ ହଟହଟା ହେଲେ ବନ କର୍ମଚାରୀ । ନୟାଗଡ଼ ବନଖଣ୍ଡ ବାହାଡାଝୋଲା ବନାଞ୍ଚଳ ଖଙ୍ଗାରପଲ୍ଲୀ ଗାଁରେ ଗ୍ରାମର ବଇନାଥ ନାୟକଙ୍କ ଘରେ ରହିଥିବା କିଛି ପୁରୁଣା କାଠ ଜବତବେଳେ ବନବିଭାଗ ଓ ଗ୍ରାମବାସୀଙ୍କ ମଧ୍ୟରେ ଦୀର୍ଘ ସମୟ ଧରି ଖଣ୍ଡଯୁଦ୍ଧ ଦେଖିବାକୁ ମିଳିଛି ।
ଚଢାଉ ବେଳେ ଗ୍ରାମବାସୀଙ୍କ ବିରୋଧ, ଜବତ କାଠ ଛାଡି ଫେରିବାକୁ ହେଲା ବାଧ୍ୟ ବନ ବିଭାଗ
କାଠ ଜବତବେଳେ ପୋଲିସ ଓ ସ୍ଥାନୀୟ ବନବିଭାଗ କର୍ମଚାରୀଙ୍କୁ ଗ୍ରାମବାସୀ ଗାଁ ରାସ୍ତା ଅବରୋଧ କରି ବିରୋଧ କରିଥିବା ଦେଖିବାକୁ ମିଳିଥିଲା । ଫଳରେ ସ୍ଥାନୀୟ ପୋଲିସ ଓ ବନବିଭାଗ କର୍ମଚାରୀ ଅସହାୟ ହୋଇ ଜବତ କାଠକୁ ଫେରାଇଦେବା ସହ ଖାଲି ହାତରେ ଗାଁରୁ ଫେରିଥିବା ଦେଖିବାକୁ ମିଳିଛି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
