ନୟାଗଡ଼: କାର ଡ୍ରାଇଭରଙ୍କ ଆତ୍ମହତ୍ୟା ଯୋଗୁଁ ରାଜସୁନାଖଳା ଫାଣ୍ଡି ଘେରିଲେ ଗ୍ରାମବାସୀ । କାର ମାଲିକଙ୍କୁ ତୁରନ୍ତ ଗିରଫ କରାଯାଉ ବୋଲି ଗ୍ରାମବାସୀ ଦାବି ରଖିଛନ୍ତି । ଏହି ଅଭାବନୀୟ ଘଟଣା ଘଟିଛି ନୟାଗଡ ରାଜସୁନାଖଳା ଅଞ୍ଚଳରେ ।
ଭିଡିଓ ସୌଜନ୍ୟ: ପ୍ରତିନିଧି, ନୟାଗଡ
ରାଜସୁନାଖଳା ବଢ଼େଇ ସାହିର ତୁଷାର ମଲିକ ଏକ ଘରୋଇ କାର ଚଲେଇ ନିଜର ପରିବାର ପୋଷୁଥିଲେ । କିନ୍ତୁ କାରଟି ଚୋରି ହେଇଯିବାରୁ କାର ମାଲିକ ତୁଷାରଙ୍କୁ ବାରମ୍ବାର ଧମକ ଦେବା ସହ କାରର ଟଙ୍କା ମାଗୁଥିଲେ । ଫଳରେ କାର ମାଲିକଙ୍କ ଧମକକୁ ସହି ନପାରି ଗତକାଲି(ଗୁରୁବାର) ରାତିରେ ତୁଷାର ବିଷ ପିଇ ଆତ୍ମହତ୍ୟା କରିଥିବା ଅଭିଯୋଗ ହୋଇଛି ।
ଆଜି(ଶୁକ୍ରବାର) ଗ୍ରାମବାସୀମାନେ କ୍ଷତି ପୁରଣ ଦାବି କରି ଫାଣ୍ଡି ଘେରାଉ କରିଥିବା ବେଳେ, ତୁରନ୍ତ କାର ମାଲିକଙ୍କୁ ଗିରଫ କରିବା ପାଇଁ ଦାବି ରଖିଛନ୍ତି ।
ନୟାଗଡରୁ ଉତ୍ପଳ ସାହୁ, ଇଟିଭି ଭାରତ
