ନୟାଗଡ଼: ଓଡ଼ଗାଁ ବ୍ଲକ ଶରଣକୁଳ ଥାନା ଅନ୍ତର୍ଗତ ମାନପୁର ଗାଁରେ ସୋମବାର ଅପରାହ୍ନରେ ବିସ୍ଫୋରଣ ଘଟିଛି । ଫଳରେ ଢଳେଇ କରାଯାଇଥିା କଂକ୍ରିଟ ରାସ୍ତା ଫାଟି ଯାଇଛି । ବିସ୍ଫୋରଣ ବେଳେ ପ୍ରଚଣ୍ଡ ଶଦ୍ଦ ହୋଇଥିଲା ।
ବିସ୍ଫୋରଣରେ ଫାଟିଲା ଗାଁ ରାସ୍ତା, ଲୋକେ ଆତଙ୍କିତ
ସ୍ଥାନୀୟ ଲୋକେ କିଛି ବୁଝିବା ଆଗରୁ ରାସ୍ତା ଫାଟି ଆଁ କରିଛି । ଗାଁ ଲୋକେ ଭୟଭୀତ ଅବସ୍ଥାରେ ଉକ୍ତ ସ୍ଥାନରେ ପହଞ୍ଚିବା ବେଳକୁ ରାସ୍ତାଟି ଫାଟି ଯାଇଥିବା ଦେଖିବାକୁ ମିଳିଥିଲା । ରାସ୍ତା ଫାଟିବାର କାରଣକୁ ନେଇ ସ୍ଥାନୀୟ ଅଞ୍ଚଳରେ ଚର୍ଚ୍ଚା ଲାଗିଥିବା ବେଳେ ପାଖରେ ଥିବା ନଳକୂପ କିମ୍ବା ଅଧିକ ତାପମାତ୍ର ଏହାର କାରଣ ହୋଇପାରେ ବୋଲି ଅନୁମାନ କରାଯାଉଛି । ତେବେ ବିସ୍ପୋରଣର କାରଣ ଜଣାପଡ଼ିନଥିବାରୁ ଲୋକେ ଆତଙ୍କିତ ଅଛନ୍ତି ।
ନୟାଗଡରୁ ଜୟେନ୍ଦ୍ର ବେହେରା, ଇଟିଭି ଭାରତ
