ନୟାଗଡ଼: ଏମିତି ବି ଆସିପାରେ ମୃତ୍ୟୁ । ଗଛ ଭାଙ୍ଗି ପଡିବାରୁ ବୃଦ୍ଧଙ୍କ ମୃତ୍ୟୁ l ନୟାଗଡ଼ ଜିଲ୍ଲା ଦଶପଲ୍ଲା ବ୍ଲକ ଅଧିନ ଡିହଗାଁ ପଞ୍ଚାୟତ ଗଉଡ ପଙ୍କାଳ ସାହି ଗାଁରେ ଘଟିଛି ଏହି ଅଘଟଣ । ଏହି ଗାଁର 65 ବର୍ଷୀୟ ଉଦିଆ ବେହେରା ଛେଳି ଚରେଇବା ପାଇଁ ଯାଉଥିଲେ ।
କିନ୍ତୁ ନିୟତିର ନିୟମ ଥିଲା ବଡ ବିଚିତ୍ର । ପ୍ରବଳ ବର୍ଷା ପବନ ଯୋଗୁଁ ଗଛ ଡାଳ ଭାଙ୍ଗି ତାଙ୍କ ଉପରେ ପଡି ଯାଇଥିଲା l ତେବେ ଘଟଣା ସ୍ଥଳରେ ତାଙ୍କର ମୃତ୍ୟୁ ହୋଇଛି l ଦଶପଲ୍ଲା ଦମକଳ ବାହିନୀ ଗଛକୁ କାଟି ମୃତଦେହକୁ ଉଦ୍ଧାର କରିଛି l ବୃଦ୍ଧଙ୍କୁ ଉଦ୍ଧାର ପରେ ଘଟଣା ସ୍ଥଳରେ ଅଗ୍ନିଶମ ବାହିନୀ ଘଟଣାସ୍ଥଳରେ ଉପସ୍ଥିତ ରହି ସ୍ଥିତି ଯାଞ୍ଚ କରୁଛି l
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
