ନୟାଗଡ: ଦିନକୁ ଦିନ ହଜିଯିବାକୁ ବସିଛି ବିରଳ ପଦାର୍ଥ । ସଠିକ ରକ୍ଷଣାବେକ୍ଷଣ ଅଭାବରୁ ଏହି ସବୁ ପଦାର୍ଥ ଆମ ସମାଜରୁ ବିଲୁପ୍ତ ହୋଇଯିବାକୁ ବସିଛି । କିନ୍ତୁ ଏମିତି ଜଣେ ଯୁବ ପ୍ରତିଭା ଏସବୁ ପଦାର୍ଥକୁ ସାଇତି ରଖିବା ପାଇଁ ଲାଗି ପଡିଛନ୍ତି । ଯୁବ ସଂଗ୍ର।ହକ ସଞ୍ଜୟ ସାହୁ ତାର ନାମ ଦେଇଛନ୍ତି ଶ୍ରୀ ଜଗନ୍ନାଥ ଲାଇବ୍ରେରୀ ।
ନୟାଗଡ଼ ଜିଲ୍ଲା ନୂଆଗାଁ ବ୍ଲକ ଦୁରୁଦୁରା ଗ୍ରାମର ସଞ୍ଜୟ । ପିଲାଦିନେ ମାଙ୍କ ଠାରୁ ପଇସା ନେଇ ସାଇତି ରଖୁଥିଲେ । ପରେ ପରେ ପୁରୁଣା ଜିନିଷ ଯାହା ପାଇଲେ, ତାକୁ ସାଇତି ରଖି ଏକ ଅନୁଷ୍ଠାନଟିଏ ଗଢିଲେ ।
ଏବେ ତାଙ୍କ ଅନୁଷ୍ଠାନରେ ଦେଶ ବିଦେଶର ମୁଦ୍ରା, ଶହେରୁ ଅଧିକ ବିଭିନ ପ୍ରକାରର ଧନ, ପାଣିରେ ଭାସୁ ଥିବା ପଥର, ତାଳ ପତ୍ର, ଖଣିଜ ପଥର, ଧାତୁ, ବିଦେଶୀ ଡାକ ଟିକଟ ଠୁ ଆରମ୍ଭ କରି ଗାଁ ଗହଳିର ଚଳଣିରେ ବ୍ୟବହାର ହେଉଥିବା ଜିନିଷ ପତ୍ର ସବୁ ସାଇତା ହୋଇ ରହିଛି ।
ଏଥିସହିତ ହନୁମାନ ଟଙ୍କା, କଣା ପଇସା, ପୁରୁଣା ଟେଲିଫୋନ, ମାଟି ପାତ୍ର, ସାଇତା ହୋଇ ରହିଛି । ଯାହାକୁ ଦେଖିବା ପାଇଁ ନୟାଗଡ଼ ଜିଲ୍ଲାର ବିଭିନ୍ନ ଅଞ୍ଚଳର ପିଲାମାନେ ଓ ବହୁ ବୁଦ୍ଧିଜୀବୀ ଆସନ୍ତି ।
ପୂର୍ବତନ କନ୍ଧମାଳ ସାଂସଦ ପ୍ରତ୍ୟୁଷା ରାଜେଶ୍ୱରୀ ସିଂ ଓ ପୂର୍ବତନ ଦଶପଲ୍ଲା ବିଧାୟକ ଆସି ଏହି ସଂଗ୍ରହାଳୟ ବୁଲି ଯାଇଛନ୍ତି । ସେଥିପାଇଁ ସଞ୍ଜୟଙ୍କୁ ବିଭିନ୍ନ ଅନୁଷ୍ଠାନ ପକ୍ଷରୁ ସମ୍ବର୍ଦ୍ଧିତ କରାଯାଇଛି । ଯୁବକଙ୍କ ପାଇଁ ପ୍ରେରଣା ପାଲଟିଥିବା ସଞ୍ଜୟ ଏବଂ ତାଙ୍କର ହାତ ଗଢ଼ା ଶ୍ରୀ ଜଗନ୍ନାଥ ପାଠାଗାର ଏବେ ଅନ୍ୟମାନଙ୍କ ପାଇଁ ପ୍ରେରଣା ପାଲଟିଛି ।
ନୟାଗଡରୁ ଉତ୍ପଳ ସାହୁ, ଇଟିଭି ଭାରତ
