ନୟାଗଡ଼: ନୟାଗଡ଼ ଜିଲ୍ଲା ନୂଆଗାଁ ରେଳ ଷ୍ଟେସନ ଉଦଘାଟନ କଲେ କେନ୍ଦ୍ର ରେଳ ମନ୍ତ୍ରୀ ଅଶ୍ବିନୀ ବୈଷ୍ଣବ । ଏନେଇ ନୂଆଗାଁ ଷ୍ଟେସନ ଠାରେ ଏକ ଭବ୍ୟ କାର୍ଯ୍ୟକ୍ରମର ଆୟୋଜନ ହୋଇଥିଲା ।
ନୂଆଗାଁ ଷ୍ଟେସନ ଉଦଘାଟନ କଲେ ରେଳ ମନ୍ତ୍ରୀ ଅଶ୍ବିନୀ ବୈଷ୍ଣବ
ମନ୍ତ୍ରୀ ବୈଷ୍ଣବ ଏକ ସ୍ବତନ୍ତ୍ର ଟ୍ରେନ ଯୋଗେ ଭୁବନେଶ୍ବରରୁ ଖୋର୍ଦ୍ଧା ରୋଡ଼ ଦେଇ ନୂଆଗାଁ ନବ ନିର୍ମିତ ଷ୍ଟେସନରେ ପହଞ୍ଚିଥିଲେ । ସେଠାରେ ଆୟୋଜିତ ଉଦଘାଟନୀ ସଭାରେ ଯୋଗ ଦେଇ ନୂଆଗାଁ ଷ୍ଟେଷନକୁ ଲୋକାର୍ପଣ କରିଛନ୍ତି ।
ଭୁବନେଶ୍ବରରୁ ମହିପୁର ଯାଏଁ ଚାଲୁଥିବା ଟ୍ରେନର ନୂଆଗାଁ ରୋଡ ଯାଏଁ ସମ୍ପ୍ରସାରଣ ସହ ଆସନ୍ତା ୧ ତାରିଖରୁ ନୂଆଗାଁରୁ ପୁରୀକୁ ନୂତନ ଟ୍ରେନ ଚାଲିବା ପାଇଁ ଘୋଷଣା ହୋଇଛି । ଏହି ଅବସରରେ ସେବା ଏକ୍ସପ୍ରେସ ବୋଲଗଡ଼ ପି.ଏଚରେ ରହଣୀର ଘୋଷଣା କରାଯିବା ସହ ଖୋର୍ଦ୍ଧା ଜିଲ୍ଲା ବୋଲଗଡ଼ ପି.ଏଚକୁ ଷ୍ଟେସନ ଭାବେ ଘୋଷଣା କରିଛନ୍ତି କେନ୍ଦ୍ର ମନ୍ତ୍ରୀ ।
ଇଟିଭି ଭାରତ, ନୟାଗଡ଼
