ନୟାଗଡ଼: ଜିଲ୍ଲା ଚାନ୍ଦପୁରରେ ଗୋରୁ ଚୋରି ରୋକିବା ଦିଗରେ ପୋଲିସ ତତ୍ପରତା ଦେଖାଇଛି । ଚାନ୍ଦପୁର ମଶାଣୀ ପଦାରୁ ଗୋରୁ ଚୋରି କରି ନେଉଥିବା ବେଳେ ଗୋରୁ ଗାଡି ଉଦ୍ଧାର କଲେ ଚାନ୍ଦପୁର ଥାନାର ମହିଳା ଅଧିକାରୀ ଅଞ୍ଜଳୀ ସାହୁ ଏବଂ ଏଏସଆଇ ରାକେଶ କୁମାର ।
ଚାନ୍ଦପୁର ଥାନାର ମହିଳା ଅଧିକାରୀ ଅଞ୍ଜଳି ଦାସଙ୍କ ସାହାସିକତା ଯୋଗୁଁ ଜବତ ହୋଇ ପାରିଲା ଗୋରୁ ଗାଡି । ମହିଳା ଅଧିକାରୀ ଚାନ୍ଦପୁର ଠାରୁ ପିଛା କରି ଖୋର୍ଦ୍ଧା ବେଗୁନିଆରୁ ଗାଡ଼ିକୁ ଧରିଥିଲେ । ସେଠାରେ ଗୋରୁ ଚୋରି କରି ନେଉଥିବା ଅଭିଯୁକ୍ତ ଗୋରୁ ଗାଡି ଛାଡି ପଳାଇବାରେ ସକ୍ଷମ ହୋଇଛନ୍ତି । ସେହି ସ୍ଥାନରୁ ଗୋରୁ ଗାଡିକୁ ଜବତ କରାଯାଇ 4ଟି ଗୋରୁଙ୍କୁ ଉଦ୍ଧାର କରାଯିବା ସହ ଗୋରୁ ମାଲିକଙ୍କୁ ଜିମା ଦିଆଯାଇଥିବା ଜଣାଯାଇଛି ।
ଉକ୍ତ ଚଢ଼ାଉରେ ପୋଲିସଙ୍କ ସହ ସ୍ବେଚ୍ଛାସେବୀ ଧୀରେନ କୁମାର ସାହୁ ମଧ୍ୟ ସହଯୋଗ କରିଥିଲେ । ଗୋଟିଏ ପିକଅପ ଭ୍ୟାନ ଜବତ ହୋଇଛି । ଜବତ ହୋଇଥିବା ପିକଅପ ଭ୍ୟାନଟି ଗତ କିଛି ଦିନ ତଳେ ଓଡ଼ଗାଁରୁ ଚୋରି ହୋଇଥିବା ଜଣାପଡ଼ିଛି । ଚାନ୍ଦପୁର ଥାନାରେ ଏ ନେଇ ୭୬/୨୧ ରେ ଏକ ମାମଲା ରୁଜ୍ଜୁ କରାଯାଇଛି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
