ନୟାଗଡ଼: ନୟାଗଡ଼ ବନଖଣ୍ଡରେ ବ୍ୟାପକ ଦୁର୍ନୀତି ଅଭିଯୋଗ ହୋଇଛି । ଦୁର୍ନୀତିର ଭିଜିଲାନ୍ସ ତଦନ୍ତ ଦାବିରେ ଦୀର୍ଘ 11 ଦିନ ଧରି ଧାରଣା ଦେଇଛନ୍ତି ଏକାଧିକ ବ୍ୟକ୍ତି । କାମ୍ପା ଯୋଜନା (ରାଜ୍ୟ କ୍ଷତିପୂରଣ ବନୀକରଣ ପାଣ୍ଠି ପରିଚାଳନା)ରେ ଅନିୟମିତତା କରାଯାଇଛି ଏବଂ ଜନୈକ ରେଞ୍ଜର ବ୍ୟାପକ ଦୁର୍ନୀତିରେ ସମ୍ପୃକ୍ତ ରହିଛନ୍ତି । ତାଙ୍କର ବଦଳି ଦାବି ସହ ସମ୍ପୃକ୍ତ ରେଞ୍ଜରଙ୍କୁ ଭିଜିଲାନ୍ସ ତଦନ୍ତଭୁକ୍ତ କରିବାକୁ ଦାବି ହୋଇଛି ।
ନୟାଗଡ଼ ବନଖଣ୍ଡରେ ବ୍ୟାପକ ଦୁର୍ନୀତି, ଭିଜିଲାନ୍ସ ତଦନ୍ତ ଦାବିରେ ଧାରଣା
ସଂପଡା, ମହୀପୁର ମେଗା ନର୍ସରୀ ଏବଂ ବଲାଙ୍ଗୀ ବନ୍ଧରେ ବ୍ୟାପକ ଦୁର୍ନୀତି ଅଭିଯୋଗ ହୋଇଛି । ସାମାଜିକ କର୍ମୀ ହୁସେନ ଖାଁ, ପ୍ରତୀକ ମହାପାତ୍ରଙ୍କ ସମେତ ଏକାଧିକ ସାମାଜିକ କର୍ମୀ ଧାରଣା ଦେଇଛନ୍ତି । ଏପଟେ ନୟାଗଡ଼ ବନଖଣ୍ଡ ଅଧିକାରିଣୀ କ୍ଷମା ଷଡ଼ଙ୍ଗୀ ଗଣମାଧ୍ୟମକୁ ସୂଚନା ଦେଇ କହିଛନ୍ତି ଯେ, ମୁଁ 3 ମାସ ହେବ ଯୋଗ ଦେଇଛି, ଯାହା ଅଭିଯୋଗ ଅଛି ମତେ ଜଣାନ୍ତୁ । ଅଭିଯୋଗ ଆସିଲେ ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
