ନୟାଗଡ଼: ନୟାଗଡ଼ ଜିଲ୍ଲା ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରାଙ୍କୁ ବିରୋଧ l ଉଦଘାଟନ ପୂର୍ବରୁ ଫଳକ ଭାଙ୍ଗିଲେ ଦଳୀୟ କର୍ମୀ । ସୂଚନାନୁସାରେ ଦଶପଲ୍ଲାରେ ଦିନକୁ ଦିନ ତୀବ୍ର ହେଉଛି ବିଜେଡିର ଗୋଷ୍ଠୀ କନ୍ଦଳ । ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରାଙ୍କୁ ବିରୋଧ କରି ବିଭିନ୍ନ ସ୍ଥାନରେ ବିଧାୟକ ଗସ୍ତ କରୁଥିବା ସ୍ଥାନରେ ଲଗାତାର ଭାବେ ଫଳକ ଭଙ୍ଗା ଯାଉଥିବା ଦେଖିବାକୁ ମିଳୁଛି ।
ଦଶପଲ୍ଲା ବିଧାୟକଙ୍କୁ ବିରୋଧ, ଉଦଘାଟନ ପୂର୍ବରୁ ଫଳକ ଭାଙ୍ଗିଲେ କର୍ମୀ
ଏହି କ୍ରମରେ ଆଜି(ସୋମବାର) ଦଶପଲ୍ଲା ନିର୍ବାଚନ ମଣ୍ଡଳୀ ପାରାଢ଼ୀପି ପଞ୍ଚାୟତରେ ଏକ ଆରଡ଼ି ରାସ୍ତାର ଶୁଭ ଦେବାକୁ ବିଧାୟକଙ୍କ ଯିବାର ଥିଲା । ହେଲେ ଯିବା ପୂର୍ବରୁ ଦଳୀୟ କର୍ମୀ ବିଧାୟକଙ୍କୁ ବିରୋଧ କରି ଫଳକ ଭାଙ୍ଗିଦେଇଥିବା ଦେଖିବାକୁ ମିଳିଛି । ବିଜେଡି କର୍ମୀ ମାନେ ବିଧାୟକଙ୍କୁ ଜାଣିଶୁଣି ବାରମ୍ବାର ଏପରି ବିରୋଧ କରୁଛନ୍ତି l ପରେ ନୂତନ ଫଳକ ଲଗାଯାଇ ଉଦ୍ଘାଟନ କରାଯାଇଛି l ବିଜେଡ଼ି କର୍ମୀ ମାନଙ୍କ ଏପରି ବିରୋଧ ଦଳରେ ଥିବା ଗୋଷ୍ଠୀ କନ୍ଦଳକୁ ପଦାରେ ପକାଇଛି l
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
