ନୟାଗଡ: ସରୋଜ ସେଭଳି ପିଲା ନୁହେଁ ବୋଲି ପରୀର ବାପା କହିଛନ୍ତି । ଗତକାଲି କୋର୍ଟରେ ହାଜର ହୋଇ 3 ଦିନିଆ ରିମାଣ୍ଡରେ ଆସିଛି ପରୀ ହତ୍ୟାକାଣ୍ଡର ଅଭିଯୁକ୍ତ ସରୋଜ l ସେହିପରି ସରୋଜକୁ ଜାଣିଶୁଣି ଫସାଇଦିଆଯାଇଥିବା ପରିବାର ଲୋକେ ଏବଂ ବିଜେପି ଅଭିଯୋଗ କରିଛନ୍ତି l ଗତକାଲି ଅରୁଣ ବୋଥ୍ରାଙ୍କ ନାମରେ ମଧ୍ୟ ସରୋଜଙ୍କ ମା, 'ସଦର ଥାନାରେ ଲିଖିତ ଅଭିଯୋଗ କରିଛନ୍ତି l
ସରୋଜକୁ ଗିରଫ ସମ୍ପର୍କରେ ବିସ୍ତୃତ ଭାବେ ଆଜି ପ୍ରେସ ମିଟ ଯୋଗେ ଏସଆଇଟି ମୁଖ୍ୟ ଅରୁଣ ବୋଥ୍ରା କହିଛନ୍ତି l ଏସଆଇଟି ଗିରଫ କରିଥିବା ଅଭିଯୁକ୍ତକୁ ହିଁ ପ୍ରକୃତ ହତ୍ୟାକାରୀ ବୋଲି କହିଛନ୍ତି । କିନ୍ତୁ ସେପଟେ ଏହାକୁ ପରୀର ପିତା ମାତା ସ୍ବୀକାର କରୁନାହାଁନ୍ତି । ପ୍ରେସମିଟ ପରେ ପରୀ ବାପା ମା ପ୍ରତିକ୍ରିୟା ଦେଇଛନ୍ତି l ସେହିପରି ଗଣମାଧ୍ୟମକୁ ପ୍ରତିକ୍ରିୟା ଦେଇ ପରୀ ବାପା ଅଶୋକ ସାହୁ କହିଛନ୍ତି ଯେ, ପ୍ରକୃତ ଦୋଷୀଙ୍କୁ ନ ଧରି ଜଣେ ନିରୀହକୁ ଗିରଫ କରାଯାଇଛି l ସରୋଜ ସେଭଳି ପିଲା ନୁହେଁ l ପରୀକୁ ଦୁଷ୍କର୍ମ କଥାକୁ ପରୀ ବାପା ଗ୍ରହଣ କରିନାହାଁନ୍ତି l ଏବଂ ଏହାର ସିବିଆଇ ତଦନ୍ତ ହେଲେ ଅଳ୍ପ ସମୟ ମଧ୍ୟରେ ଦୋଷୀ ଗିରଫ ହେବେ ବୋଲି ପରୀର ବାପା କହିଛନ୍ତି l
ସୂଚନା ଥାଉକି ପରୀ ହତ୍ୟାକାଣ୍ଡରେ ଏସଆଇଟି ଟିମ ଜଣେ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଛି । ବର୍ତ୍ତମାନ ଏହି ଗିରଫକୁ ନେଇ ଏସଆଇଟିର କାର୍ଯ୍ୟକାରୀତା ଉପରେ ଉଭୟ ବିଜେପି ଓ କଂଗ୍ରେସ ପ୍ରଶ୍ନବାଚୀ ସୃଷ୍ଟି କରିଛନ୍ତି ।
ନୟାଗଡରୁ ଜୟେନ୍ଦ୍ର ବେହେରା,ଇଟିଭି ଭାରତ
