ନୟାଗଡ଼: ମାନବିକତା ଦେଖାଇଲେ ଉପଜିଲ୍ଲାପାଳ । ଦୁର୍ଘଟଣାଗ୍ରସ୍ତ ବ୍ୟକ୍ତିଙ୍କୁ ଉଦ୍ଧାର କରି ନିଜ ଗାଡ଼ିରେ ହସ୍ପିଟାଲରେ ପହଞ୍ଚାଇଲେ ନୟାଗଡ଼ ଉପଜିଲ୍ଲାପାଳ । ଗତକାଲି ରାତିରେ ଉପଜିଲ୍ଲାପାଳ ଲଗ୍ନଜିତ ରାଉତ ରଣପୁର ଅଞ୍ଚଳରେ ନିର୍ବାଚନୀ କାର୍ଯ୍ୟ ଶେଷକରି ନୟାଗଡ ଅଭିମୁଖେ ଫେରୁଥିଲେ ।
ମାନବିକତା ଦେଖାଇଲେ ଉପଜିଲ୍ଲାପାଳ, ଦୁର୍ଘଟଣାଗ୍ରସ୍ତ ବ୍ୟକ୍ତିଙ୍କୁ ପହଞ୍ଚାଇଲେ ହସ୍ପିଟାଲରେ
ଏହି ସମୟରେ ଗମ୍ଭାରଡ଼ିହି ନିକଟସ୍ଥ ଗଡ଼ାଣିଆ ପୋଲ ନିକଟରେ ୨ ଜଣ ବ୍ୟକ୍ତି ଦୁର୍ଘଟଣାଗସ୍ତ ହୋଇଥିବା ଉପଜିଲ୍ଲାପାଳ ଦେଖିବାକୁ ପାଇଥିଲେ । ଏହାପରେ ନିଜ ଗାଡ଼ିରେ ଆହତଙ୍କୁ ଚିକିତ୍ସା ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ତେବେ ଉପଜିଲ୍ଲାପାଳଙ୍କ ଏହି କାର୍ଯ୍ୟକୁ ସ୍ଥାନୀୟ ଲୋକେ ବେଶ ପ୍ରଶଂସା କରିଛନ୍ତି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
