ନୟାଗଡ଼: ବହୁ ଚର୍ଚ୍ଚିତ ନୟାଗଡ ନାବାଳିକା ହତ୍ୟାକାଣ୍ଡ ଘଟଣାରେ ମୁଖ୍ୟ ଅଭିଯୁକ୍ତଙ୍କୁ ଗିରଫ କରିଛି SIT l ଅଭିଯୁକ୍ତ ଜଣକ ସଦର ଥାନା ଅଧୀନ ଯଦୁପୁର ଗ୍ରାମର ଜଣେ କଲେଜ ଛାତ୍ର l ତେବେ କଲେଜ ଛାତ୍ରଙ୍କ ଗିରଫକୁ ନେଇ ନାବାଳିକାଙ୍କ ମା ଓ ବାପା ନିଜର ପ୍ରତିକ୍ରିୟା ରଖିଛନ୍ତି । ପ୍ରକୃତ ଦୋଷୀଙ୍କୁ ଗିରଫ କରାନଯାଇ ନିର୍ଦ୍ଦୋଷଙ୍କୁ ଗିରଫ କରାଯାଉଛି ବୋଲି ଉଭୟ କହିଛନ୍ତି ।
ପ୍ରକୃତ ଦୋଷୀଙ୍କୁ ଗିରଫ ନ କରି ନିର୍ଦୋଷଙ୍କୁ ଗିରଫ କରାଯାଉଛି: ପରୀ ବାପା ମା'
ଏହାସହ ଏହାର ସିବିଆଇ ତଦନ୍ତର ମଧ୍ୟ ଦାବି କରିଛନ୍ତି ଉଭୟେ । ସେପଟେ ଗିରଫ ଅଭିଯୁକ୍ତର ମା’ ଓ ଭଉଣୀ ଅଭିଯୁକ୍ତକୁ ଫସା ଯାଉଥିବା ଅଭିଯୋଗ କରିଛନ୍ତି । ସୂଚନାଥାଉକି, ହତ୍ୟା ଘଟଣାରେ ଏସଆଇଟି ଜଣେ କଲେଜ ଛାତ୍ରକୁ ଗିରଫ କରିଛି । ଗିରଫ ପରେ ନୟାଗଡ଼ ପୋସ୍କୋ କୋର୍ଟରେ ହାଜର କରିବା ସହ 3 ଦିନିଆ ରିମାଣ୍ଡରେ ନେଇଛି l ଆଜି ଠାରୁ ଅଭିଯୁକ୍ତର ରିମାଣ୍ଡ ଅବଧି ଆରମ୍ଭ ହୋଇଛି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
