ନୟାଗଡ଼: ସନ୍ଦେହଜନକ ଅବସ୍ଥାରେ ମଣିନାଗ ପାହାଡ଼ରୁ ଯୁବକଙ୍କ ଗଳିତ ମୃତଦେହ ଉଦ୍ଧାର । ମୃତ ଯୁବକ ଜଣକ ହେଲେ ନୟାଗଡ଼ ଚାନ୍ଦପୁର ଥାନା ବାରଙ୍ଗ ଗାଡ଼ିଆ ଗାଁର ଅଦୈତ ମଙ୍ଗରାଜଙ୍କ ୩୪ ବର୍ଷୀୟ ପୁଅ ଅଶୋକ ମଙ୍ଗରାଜ । ଅଶୋକ ଗତ ୨ ଦିନ ହେବ ନିଖୋଜ ଥିଲେ l ଏନେଇ ତାଙ୍କ ପରିବାର ପକ୍ଷରୁ ଚାନ୍ଦପୁର ଥାନାରେ ଲିଖିତ ଅଭିଯୋଗ ହୋଇଥିଲା l
ମଣିନାଗ ପାହାଡ଼ରୁ ଯୁବକଙ୍କ ଗଳିତ ମୃତ ଦେହ ଉଦ୍ଧାର: ୨ ଦିନ ତଳେ ନିଖୋଜ ଥିଲେ
ପରିବାର ଲୋକେ ଯୁବକଙ୍କ ମୃତ୍ୟୁକୁ ନେଇ ସନ୍ଦେହ ସୃଷ୍ଟି କରିଛନ୍ତି । ଶରୀରର ଅନେକ ସ୍ଥାନରେ କ୍ଷତ ସୃଷ୍ଟି ହୋଇଥିବାରୁ ସନ୍ଦେହ ସୃଷ୍ଟି ହୋଇଛି । ତେବେ ଆଜି(ଶନିବାର) ଅଶୋକଙ୍କ ଗଳିତ ମୃତଦେହ ଏବଂ ତାଙ୍କ ବାଇକକୁ ମଣିନାଗ ପାହାଡ଼ରୁ ଠାବ କରିଛି ରଣପୁର ଥାନା ପୋଲିସ । ଅଶୋକଙ୍କ ମୃତ୍ୟୁର କାରଣ କଣ ହୋଇପାରେ ଏନେଇ ତଦନ୍ତ ଚାଲିଛି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
