ନୟାଗଡ: ଦ୍ବିତୀୟ ଥର ପାଇଁ ନୟାଗଡ଼ ପୁରୁଣା ବସଷ୍ଟାଣ୍ଡରେ ଜନଶୁଣାଣି କରିଛନ୍ତି ନୟାଗଡ଼ ବିଧାୟକ ତଥା ମନ୍ତ୍ରୀ ଅରୁଣ ସାହୁ । ତାଙ୍କର ଏହି ପ୍ରୟାସକୁ ସାଧାରଣ ଲୋକେ ବେଶ ପସନ୍ଦ କରିଛନ୍ତି ।
ଆଜି(ରବିବାର) ସକାଳେ ମନ୍ତ୍ରୀ ଅରୁଣ ସାହୁ ନୟାଗଡ଼ ବସଷ୍ଟାଣ୍ଡରେ ପହଞ୍ଚି ସାଧାରଣ ଜନତାଙ୍କ ଅଭିଯୋଗ ଶୁଣିଥିଲେ । ସାଧାରଣ ଲୋକେ ନିଜର ବିଭିନ୍ନ ସମସ୍ୟା ନେଇ ସରକାରୀ ଅଫିସକୁ ଯାଇଥାନ୍ତି । ହେଲେ ସେମାନଙ୍କ ଅଭିଯୋଗକୁ କର୍ଣ୍ଣପାତ କରିନଥାନ୍ତି ସରକାରୀ ବାବୁ । ମାତ୍ର ବିଧାୟକ ତଥା ମନ୍ତ୍ରୀ ଅରୁଣ ସାହୁଙ୍କ ପ୍ରୟାସରେ ନୟାଗଡରେ ଅଭିଯୋଗ ପ୍ରକୋଷ୍ଠ ଖୋଲିବା ପରେ ସହରବାସୀଙ୍କ ଅନେକ ସମସ୍ୟାର ସମାଧାନ ସହଜରେ ହୋଇପାରୁଛି ବୋଲି ସାଧାରଣ ଲୋକେ କହିଛନ୍ତି ।
ଏଥିସହିତ ଲୋକମାନେ ମଧ୍ୟ ଅତି ନିକଟରୁ ମନ୍ତ୍ରୀଙ୍କ ପାଖରେ ସିଧାସଳଖ ପହଞ୍ଚି ନିଜ ଅସୁବିଧା ସମ୍ପର୍କରେ ଅବଗତ କରାଇପାରଛନ୍ତି । ଏହି କ୍ରମରେ ଆଜି ସକାଳ 8ଟାରୁ ପ୍ରାୟ 11 ଟା ପର୍ଯ୍ୟନ୍ତ ଲୋକଙ୍କ ଅଭିଯୋଗ ଶୁଣିଥିଲେ ମନ୍ତ୍ରୀ ଅରୁଣ ସାହୁ ।
ନୟାଗଡରୁ ଉତ୍ପଳ ସାହୁ, ଇଟିଭି ଭାରତ
