ନୟାଗଡ଼: ନୟାଗଡ଼ ଜିଲ୍ଲା ଇଟାମାଟି ଥାନା ପୋଲିସ ପେଟ୍ରୋଲିଂ କରୁଥିବା ସମୟରେ ବିଭିନ୍ନ ସ୍ଥାନରେ ଚଢ଼ାଉ କରି 3 ମଦ ବେପାରୀଙ୍କୁ ଗିରଫ କରିଛି l ଏହି ପେଟ୍ରୋଲିଂ ସମୟରେ ଜଗତିପାଟଣା ଗ୍ରାମର ଦୁଇ ଦେଶୀ ମଦ ବେପାରୀକୁ ଗିରଫ କରିଥିଲେ । ସେମାନେ ହେଲେ ଜଗତିପାଟଣା ସାହିର କୁମାର ଦାସ ଓ ଅନ୍ୟ ଜଣେ ନରୋତ୍ତମ ଦାସ୍ । ତେବେ ଗିରଫଙ୍କ ନାଁରେ ଦୁଇଟି ମାମଲା ରୁଜୁ କରାଯାଇଛି ।
ଉଭୟଙ୍କୁ ଗିରଫ ପରେ ସେମାନଙ୍କ ପାଖରେ କୋରୋନା ଲକ୍ଷଣ ଥିବାରୁ ସେମାନଙ୍କୁ କୋର୍ଟ ଚାଲାଣ କରାଯାଇନଥିଲା । ପରେ ଦୁଇ ଜଣଙ୍କୁ ଇଟାମାଟି ଥାନାରୁ ଜାମିନ ଦିଆଯାଇ ଛାଡ଼ି ଦିଆଯାଇଥିଲା l ସେହିପରି ଇଟାମାଟି ଥାନା ପୋଲିସ ଆଦର୍ଶ ବିଦ୍ୟାଳୟ ନୋତର ନିକଟସ୍ଥ ଏକ କ୍ୟାବିନରୁ ଭୂତଡ଼ି ଗ୍ରାମର ପ୍ରକାଶ କୁମାର ନାୟକଙ୍କୁ (40) ଗିରଫ କରିଛି l ତାଙ୍କ ଠାରୁ 15 ଟି ବିଦେଶୀ ମଦ ଜବତ କରିବା ସହ ଏକ ମାମଲା ରୁଜୁ ହୋଇଥିବା ସୂଚନା ଦେଇଛନ୍ତି ଆଇଆଇସି ଦୀପକ ଖଣ୍ଡାୟତରାୟ l
ଏହି ଥାନାରେ ଆଇଆଇସି ଯୋଗଦେବା ପରେ ବେଆଇନ ମଦ ବେପାରକୁ ସମ୍ପୂର୍ଣ୍ଣ ବନ୍ଦ କରିବାକୁ ପ୍ରଚେଷ୍ଟା ଚଳାଇଥିବା ଜଣାପଡ଼ିଛି l
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
