ନୟାଗଡ଼: ନିର୍ବାଚନ ନେଇ ସରଗରମ ରାଜରୀତି। ପ୍ରସ୍ତୁତ ରାଜନୈତିକ ଦଳ । ତେବେ ରାଜନୀତିର ଉଷ୍ଣତା ଏବେ ନୟାଗଡ଼ରେ ଦେଖିବାକୁ ମିଳିଛି । ଆଜି ବିଜେପି ପକ୍ଷରୁ ଇରାନୀ ରାୟ ତାଙ୍କର ପ୍ରାର୍ଥୀପତ୍ର ଦାଖଲ କରିଛନ୍ତି ।
ନୟାଗଡ଼ ରାଣୀ ପ୍ରତ୍ୟୁଷା ସିଂ ଓ ଇରାନୀ ବାଇକ ରାଲିରେ ଆସି ପ୍ରଥମେ ନୟାଗଡ଼ ରାଜା ହେମେନ୍ଦ୍ର ସିଂଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିଥିଲେ । ପରେ ଉପଜିଲ୍ଲାପାଳଙ୍କ କାର୍ଯ୍ୟାଳୟ ଯାଇ ପ୍ରାର୍ଥୀପତ୍ର ଦାଖଲ କରିଥିଲେ । ରାଜପରିବାର ସହଯୋଗ ଓ ନୟାଗଡ଼ ନିର୍ବାଚନ ମଣ୍ଡଳୀର ଜନସାଧାରଣଙ୍କ ସାହାଯ୍ୟରେ ନୟାଗଡରେ ଏଥର ବିଜେପି ଜିତିବ ବୋଲି କହିଛନ୍ତି ଇରାନୀ।
ସେପଟେ କଂଗ୍ରେସରୁ ପୂର୍ବତନ ବିଧାୟକ ସ୍ବର୍ଗତ ବଂଶୀଧର ସାହୁଙ୍କ ପୁଅ ମନୋଜ ସାହୁ ଟିକେଟ ପାଇଛନ୍ତି । ପେସାରେ ଓକିଲ ଥିବା ମନୋଜ କହିଛନ୍ତି, ତାଙ୍କ ବାପାଙ୍କ ଦ୍ବାରା ପ୍ରତିଷ୍ଠା ହୋଇଥିବା ନୟାଗଡ଼ର ଏକମାତ୍ର ଚିନି କଳକୁ ସେ ପୁଣି ଥରେ ଖୋଲିବେ ଓ ଚାଷୀଙ୍କ ଉନ୍ନତି ପାଇଁ ବୃତଙ୍ଗ ଜଳ ଯୋଜନାକୁ କାର୍ଯ୍ୟକାରୀ କରିବେ ବୋଲି କହିଛନ୍ତି ।
ନୟାଗଡରୁ ଉତ୍ପଳ ସାହୁ,ଇଟିଭି ଭାରତ
