ଧାନ କିଣିବା ଦାବିରେ ମଣ୍ଡି ଘେରିଲେ ଚାଷୀ

ନୟାଗଡ ଜିଲ୍ଲା ଗୋପାଳପୁରରେ ଧାନ କିଣିବା ଦାବିରେ ମଣ୍ଡିକୁ ଘେରିଲେ ଚାଷୀ । ଚାଷୀ ମାନଙ୍କ ଠାରୁ ଧାନ କିଣିବା ଦାବୀରେ ଶୋଭାଯାତ୍ରା ଓ ଧାରଣା ଦିଆଯାଇଛି l ଅଧିକ ପଢନ୍ତୁ...

ନୟାଗଡ: ଚାଷୀମାନଙ୍କ ଠାରୁ ଧାନ କିଣିବା ଦାବିରେ ଶୋଭାଯାତ୍ରା ଓ ଧାରଣା l ଏଭଳି ଦେଖିବାକୁ ମିଳିଛି ନୟାଗଡ଼ ଜିଲ୍ଲା ରଣପୁର ବ୍ଲକ ଗୋପାଳପୁରରେ l ସାତଦୋଳ ପଡିଆ ଠାରୁ ଏକ ଶୋଭାଯାତ୍ରା ବାହାରି ନିଳ କଣ୍ଠେଶ୍ବର ସେବା ସମବାୟ ସମିତି ସମ୍ମୁଖରେ ଚାଷୀମାନେ ଗଣଧାରଣାରେ ବସିଥିଲେ l

ଚାଷୀ ନେତା କୁଳମଣି ପଲେଇଙ୍କ ସଭାପତିତ୍ବରେ ଅନୁଷ୍ଠିତ ସଭାରେ ବକ୍ତାମାନେ ସରକାର ଟୋକନ ପାଇଥିବା ଚାଷୀଙ୍କ ଠାରୁ ସରକାର ମଣ୍ଡି ଜରିଆରେ ଧାନ କିଣି ନଥିବାରୁ ଚାଷୀ ଆଜି ଧାରଣା ଦେବାକୁ ବାଧ୍ୟ ହୋଇଥିବା କହିଥିଲେ l ଏଯାବତ 570 ଚାଷୀ ପଞ୍ଜିକୃତ ହୋଇଥିଲାବେଳେ 534 ଚାଷୀ ଟୋକାନ ପାଇଛନ୍ତି l ମାତ୍ର 270 ଚାଷୀ ଧାନ ବିକ୍ରି କରିଥିଲାବେଳେ ଅବଶିଷ୍ଟ ଚାଷୀ ଟୋକନ ପାଇ ମଧ୍ୟ ଧାନ ଟାର୍ଗେଟ ଆସି ନ ଥିବାରୁ ଧାନ ବିକ୍ରି ହୋଇ ପାରି ନାହିଁ l ସରକାର ଧାନ କିଣିବା ପର୍ଯ୍ୟନ୍ତ ଆନ୍ଦୋଳନ ଚାଲି ରହିବ ବୋଲି ଚାଷୀ ମାନେ ଦାବି କରିଥିଲେ l

ରଣପୁର ସେବା ସମବାୟ ସମିତି ମ୍ୟାନେଜର ଜଗନ୍ନାଥ ପଳେଇ,ସୁପର ଫାଇଜର ଜୟ କୃଷ୍ଣ ସାହୁ ଓ ସମ୍ପାଦକ ସଦାଶିବ ନନ୍ଦଙ୍କୁ ଚାଷୀ ମାନେ ଘେରାଉ କରି ରଖିବା ପରେ ଉଚ୍ଚ ଅଧିକାରୀ ମାନେ ଉପଜିଲ୍ଲାପାଳ ଲଗ୍ନ ଜିତି ରାଉତଙ୍କ ସହ ଯୋଗାଯୋଗ କରିବାରେ ତୁରନ୍ତ 800 କ୍ବିଣ୍ଟାଲ ଧାନ ବିକ୍ରି ପାଇଁ ଅନୁମତି ଓ ଅବଶିଷ୍ଟ ଧାନ କିଣିବାର ପ୍ରତିଶୃତି ଦେବାରେ ଆନ୍ଦୋଳନ ପ୍ରତ୍ୟାହାର ହୋଇଥିଲା ।

ଏହି ଆନ୍ଦୋଳନ ରେ କୃଷକ ନେତା ହରି ମିଶ୍ର, ଶ୍ରମିକ ନେତା ସୁରେଶ ସ୍ବାଇଁ, ଗଦାଧର ପ୍ରଧାନ, ସୁଶୀଲ ମହାନ୍ତି, ନାରୀ ନେତ୍ରୀ ସଂଯୁକ୍ତା ସେଠି, ପ୍ରହଲ୍ଲାଦ ମାନସିଂହ, ବ୍ରଜ ନାୟକ, ପ୍ରମୁଖ ସାମିଲ ହୋଇଥିଲେ l

ନୟାଗଡରୁ ଜୟେନ୍ଦ୍ର ବେହେରା, ଇଟିଭି ଭାରତ