ନୟାଗଡରେ ବିଶାଳ ସ୍ବାସ୍ଥ୍ୟ ଶିବିର, ଉପକୃତ ହେଲେ ହଜାର ହଜାର ଲୋକ

ନୟାଗଡ ସ୍ବୟଂଶାସିତ ମହାବିଦ୍ୟାଳୟ ପରିସରରେ ଜିଲ୍ଲା ପ୍ରଶାସନ ଦ୍ବାରା ବିଶାଳ ମାଗଣା ସ୍ବାସ୍ଥ୍ୟ ଚିକିତ୍ସା(health camp) ଓ ସଚେତନତା ଶିବିର ଅନୁଷ୍ଠିତ । 12 ପ୍ରମୁଖ ବିଭାଗର 21 ଜଣ ଡାକ୍ତରଙ୍କ ଲୋକଙ୍କୁ ମାଗଣାରେ ସେବା ପ୍ରଦାନ । ଅଧିକ ପଢନ୍ତୁ

ନୟାଗଡ: ଜିଲ୍ଲା ପ୍ରଶାସନ ଦ୍ବାରା ବିଶାଳ ମାଗଣା ସ୍ବାସ୍ଥ୍ୟ ଚିକିତ୍ସା ଓ ସଚେତନତା ଶିବିର ଅନୁଷ୍ଠିତ ହୋଇଯାଇଛି। ସ୍ଥାନୀୟ ନୟାଗଡ ସ୍ବୟଂଶାସିତ ମହାବିଦ୍ୟାଳୟ ପରିସରରେ ଏହି ଶିବିର ଅନୁଷ୍ଠିତ ହୋଇଥିଲା ।

ନୟାଗଡ଼ ବିଧାୟକ ତଥା କୃଷି ମନ୍ତ୍ରୀ ଡ଼କ୍ଟର ଅରୁଣ କୁମାର ସାହୁଙ୍କ ପ୍ରତ୍ୟକ୍ଷ ତତ୍ତ୍ବାବଧାନରେ ଅନୁଷ୍ଠିତ ଏହି ଶିବିରରେ ଜିଲ୍ଲାର କୋଣ ଅନୁକୋଣରୁ ଆସିଥିବା ହଜାର ହଜାର ରୋଗୀ ଉପଯୁକ୍ତ ଚିକିତ୍ସିତ ହୋଇଥିବା ଜଣାପଡିଛି l 12 ପ୍ରମୁଖ ବିଭାଗରେ 21 ଜଣ ଡାକ୍ତର ଯୋଗଦେଇ ଲୋକଙ୍କୁ ମାଗଣାରେ ସେବା ପ୍ରଦାନ କରିଥିଲେ l

ନୟାଗଡ଼ ଜିଲ୍ଲାପାଳ ଡକ୍ଟର ପୋମା ଟୁଡୁ ଉପସ୍ଥିତ ରହି ସ୍ବାସ୍ଥ୍ୟ ଶିବିର ପରିଚାଳନା କରିଥିଲେ l ଗୋଟିଏ ସ୍ଥାନରେ ଲୋକମାନେ ନିଜର ସ୍ବାସ୍ଥ୍ୟଗତ ଚିକିତ୍ସା ଏବଂ ପରାମର୍ଶ ପାଉଥିବାରୁ ଖୁସି ପ୍ରକଟ କରିଥିଲେ ।

ନୟାଗଡରୁ ଜୟେନ୍ଦ୍ର ବେହେରା, ଇଟିଭି ଭାରତ