ନୟାଗଡ଼: ବହୁଚର୍ଚ୍ଚିତ କ୍ୟାମେରାମ୍ୟାନ ମାନସ ହତ୍ୟାକାଣ୍ଡରେ ତଦନ୍ତ ପ୍ରକ୍ରିୟାକୁ ବ୍ୟାପକ କରୁଛି କ୍ରାଇମବ୍ରାଞ୍ଚ । ରାଜ୍ୟର ବିଭିନ୍ନ ଜିଲ୍ଲାରେ ଘଟଣାର କ୍ରାଇମ ସ୍ପଟକୁ ଯାଇ କ୍ରାଇମ ସିନ୍ର ରିକ୍ରିଏସନ ମଧ୍ୟ କରିଛି । ହେଲେ କ୍ରାଇମବ୍ରାଞ୍ଚ ତଦନ୍ତରେ ଅସନ୍ତୁଷ୍ଟ ପରିବାର । ଘଟଣାରେ CBI ତଦନ୍ତ ପାଇଁ ଦାବି କରିଛନ୍ତି ପରିବାର ଲୋକେ ।
ହତ୍ୟାକାଣ୍ଡ ଘଟଣାରେ ଆବଶ୍ୟକ ତଥ୍ୟ ଏବଂ ପ୍ରମାଣ ଅଭାବରୁ ମାନସ ହତ୍ୟାକାଣ୍ଡରେ ଗିରଫ ହୋଇଥିବା ମୁଖ୍ୟ ଅଭିଯୁକ୍ତ ଶର୍ମିଷ୍ଠା ସମେତ ସମସ୍ତ ଅଭିଯୁକ୍ତଙ୍କୁ କୋର୍ଟରେ କ୍ରାଇମବ୍ରାଞ୍ଚ କିପରି ଦୋଷୀ ସାବ୍ୟସ୍ତ କରିବ ଏ ନେଇ ପରିବାର ଲୋକେ ଅଭିଯୋଗ କରିଛନ୍ତି । ଦୋଷୀଙ୍କୁ ଦଣ୍ଡ ଦେବାକୁ CBI ତଦନ୍ତ ଆବଶ୍ୟକ । ଏଣୁ ସିବିଆଇ ତଦନ୍ତ ଦାବି କରିଛନ୍ତି ପରିବାର ଲୋକେ । ଶର୍ମିଷ୍ଠା ସହ ପ୍ରଭାବଶାଳୀ ନେତା ମନ୍ତ୍ରୀ ଥିବାରୁ ଏହାକୁ ଚାପି ଦେଉଥିବା ମଧ୍ୟ ପରିବାର ଲୋକେ କହିଛନ୍ତି ।
ନେତା ମନ୍ତ୍ରୀ ଓ ବଡ଼ ସରକାରୀ ବାବୁଙ୍କୁ ରକ୍ଷା କରିବା ପାଇଁ କ୍ରାଇମବ୍ରାଞ୍ଚ କେବଳ ଶର୍ମିଷ୍ଠା ରାଉତ ଓ ନିରଞ୍ଜନ ସେଠୀ, ଝୁନା, ରଞ୍ଜନ ନାୟକ ଏବଂ ଅନ୍ୟ କିଛି ଅଭିଯୁକ୍ତଙ୍କୁ ଗିରଫ କରିଛି । କିନ୍ତୁ ହତ୍ୟାକାଣ୍ଡ ଘଟଣାରେ ଅଭିଯୁକ୍ତଙ୍କ ପାଖରୁ କୌଣସି ପ୍ରମାଣ ଆବଶ୍ୟକ ତଥ୍ୟ ମିଳିନଥିବାରୁ କ୍ରାଇମବ୍ରାଞ୍ଚ ଉପରେ ସନ୍ତୁଷ୍ଟ ନଥିବା କହିଛନ୍ତି ପରିବାର ଲୋକେ ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
