ନୟାଗଡ: ବଧୂ ହତ୍ୟାକାରୀଙ୍କୁ ଗିରଫ କରୁନି ପୋଲିସ । ଖୁଲମ ଖୁଲା ବୁଲୁଛନ୍ତି ଅଭିଯୁକ୍ତ । ଏପରି ଅଭିଯୋଗ ଆଣିଛନ୍ତି ନୟାଗଡ଼ ହରିହରପୁର ପଞ୍ଚାୟତ କରଡ଼ା ଗାଁର ହରି ସେଠିଙ୍କ ପରିବାର l ହରି ସେଠିଙ୍କ ଝିଅ ନୟାଗଡ ଟାଉନ ଥାନା ଅନ୍ତର୍ଗତ ନବଘନପୁର ଗାଁର ପୀତବାସ ସେଠୀଙ୍କୁ ବିବାହ କରିଥିଲେ l ବୈଦିକ ରୀତିନୀତି ଅନୁସାରେ ବିବାହ ସମ୍ପର୍ଣ୍ଣ ହୋଇଥିଲା l ଆବଶ୍ୟକ ମୁତାବକ ଯାନିଯୌତୁକ ଦିଆଯାଇଥିଲା ।
କିନ୍ତୁ ପରେ ଶାଶୁ ଘର ଲୋକେ ଅଧିକ ଯୌତୁକ ଦାବି କରି ଝିଅକୁ ନିର୍ଯାତନା ଦେଇ ପିଟି ମାରିଦେଇଥିବା ବାପଘର ଲୋକେ ଅଭିଯୋଗ କରିଛନ୍ତି l ଗତ 13 ତାରିଖରେ ଝିଅକୁ ଶାଶୁ ଘର ଲୋକେ ଏକ ପାଇପରେ ପିଟିପିଟି ମାରିଥିବା ଅଭିଯୋଗ ହୋଇଛି l ମାତ୍ର ପୋଲିସ ସ୍ୱାମୀ ନାରାୟଣ ସେଠୀ ଏବଂ ଶ୍ବଶୁର ପୀତବାସ ସେଠୀଙ୍କୁ ଗିରଫ କରି ଚୁପ ବସିଛି l ଶାଶୁଙ୍କ ସମେତ ଅନ୍ୟ ଅଭିଯୁକ୍ତଙ୍କୁ ପୋଲିସ ଚାପରେ ଗିରଫ କରୁନଥିବା ଅଭିଯୋଗ କରିଛନ୍ତି ପରିବାର ଲୋକେ l ତେବେ ଏନେଇ ପୋଲିସର ପ୍ରତିକ୍ରିୟା ମିଳିପାରିନାହିଁ l
ନୟାଗଡରୁ ଜୟେନ୍ଦ୍ର ବେହେରା,ଇଟିଭି ଭାରତ
