ନୟାଗଡ଼: ଫସଲ ଅମଳ ସମୟରେ ବଣୁଆ ହାତୀଙ୍କ ଉପଦ୍ରଵ । ନୟାଗଡ ଜିଲ୍ଲା ବାହାଡାଝୋଲା ଗ୍ରାମପଞ୍ଚାୟତର ଜାମୁଝୋଲା ଅଞ୍ଚଳରେ ହାତୀ ଏକର ଏକର ଫସଲ ନଷ୍ଟ କରିଦେଇଛନ୍ତି । ତେବେ ବନ ବିଭାଗ ତରଫରୁ ସ୍ବତନ୍ତ୍ର ସ୍କ୍ବାର୍ଡ ନଥିବାରୁ ହାତୀ ଆତଙ୍କ ବୃଦ୍ଧି ପାଇଛି ।
ଜାମୁଝୋଲା ଗ୍ରାମରେ ହାତୀ ଆତଙ୍କ : ଏକର ଏକର ଫସଲ ନଷ୍ଟ
ବିଶେଷ କରି ଜାମୁଝୋଲା ଗ୍ରାମର ଚକ୍ରପାଣି ଡ଼ିହୁଡ଼ିଙ୍କର ବ୍ୟାପକ ଫସଲ ନଷ୍ଟ କରିଦେଇଛନ୍ତି ବଣୁଆ ହାତୀ । ସୋମବାର ବିଳମ୍ବିତ ରାତିରେ କିଛି ବଣୁଆ ହାତୀ ଆସି ସ୍ଥାନୀୟ କଦଳୀ, ନଡ଼ିଆ, ମକା ଇତ୍ୟାଦି ଫସଲକୁ ନଷ୍ଟ କରି ଦେଇଛନ୍ତି | ସେ ଅତ୍ୟନ୍ତ ଗରିବ ଶ୍ରେଣୀର ହୋଇଥିବାରୁ ସରକାରଙ୍କ ପକ୍ଷରୁ ସହାୟତା ପ୍ରଦାନ ଏବଂ ଶୂଳିଆ ଜଙ୍ଗଲ ପାଇଁ ସ୍ବତନ୍ତ୍ର ହାତୀ ସ୍କ୍ବାର୍ଡ ଗଠନ ପାଇଁ ଦାବି ଜଣାଇଛନ୍ତି ଗ୍ରାମବାସୀ ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
