ନୟାଗଡ: ଘରକୁ ବୋହୂ ଆଣିଥିଲେ, ଘର ସମ୍ଭାଳିବ ଏବଂ ବୟସର ଅପରାହ୍ନରେ କାଳେ ସେବା କରିବ । ହେଲେ ବୋହୂ ସାଜିଲା ପିସାଚି । ଖାଦ୍ୟରେ ବିଷ ଦେଇ ଶାଶୁକୁ କଲା ହତ୍ୟା । ଏଭଳି ସାଙ୍ଘାତିକ ଅଭିଯୋଗ ଆସିଛି ନୟାଗଡ ଜିଲ୍ଲାରୁ । ଜିଲ୍ଲାର ଫତେଗଡ ଥାନା ବନମାଳୀପୁର ପଞ୍ଚାୟତ ପୁରୁଷୋତ୍ତମପୁର ଗ୍ରାମରେ ଜଣେ ମହିଳାଙ୍କୁ ତାଙ୍କ ବୋହୂ ବିଷ ଦେଇ ହତ୍ୟା କରିଥିବା ଅଭିଯୋଗ ହୋଇଛି । ମୃତକ ଗ୍ରାମର ଶଶୀଭୂଷଣ ତ୍ରିପାଠୀଙ୍କ 40 ବର୍ଷୀୟା ପତ୍ନୀ ଶୋଭାସିନୀ ତ୍ରିପାଠୀ ।
ଖାଦ୍ୟରେ ବିଷ ଦେଇ ଶାଶୁକୁ ହତ୍ୟା ଅଭିଯୋଗ
ଶୋଭାସିନୀ ଶଶୀଭୂଷଣଙ୍କ ଦ୍ବିତୀୟ ପତ୍ନୀ ଅଟନ୍ତି । ତେବେ ଏନେଇ ପୁତ୍ରବଧୂ ରଶ୍ମିରେଖା ତାଙ୍କୁ ସାବତ ମା ଆଖ୍ୟା ଦେଇ ଉପେକ୍ଷା କରିଆସୁଥିଲେ । ଯାହାର ପରଣତି ସେ ଶୋଭାସିନୀଙ୍କୁ ରାତ୍ରି ଭୋଜନରେ ବିଷ ଦେଇ ହତ୍ୟା କରିଥିବା ତାଙ୍କ ଭାଇ ଥାନାରେ ଲିଖିତ ଅଭିଯୋଗ କରିଛନ୍ତି । ଖବର ପାଇ ପୋଲିସ ତଦନ୍ତ ଆରମ୍ଭ କରିଛି ।
ନୟାଗଡରୁ ଜୟେନ୍ଦ୍ର ବେହେରା, ଇଟିଭି ଭାରତ
