ନୟାଗଡ଼: ବହୁ ସମସ୍ୟା ଦେଇ ଗତି କରୁଛି ନୟାଗଡ଼ ଜିଲ୍ଲା ନୂଆଗାଁ ବ୍ଲକ ଅନ୍ତର୍ଗତ ବାହାଡାଝୋଲା ଦଧିବାମନ ଜୀଉ +୩ ମହାବିଦ୍ୟାଳୟ । ଗ୍ରାମାଞ୍ଚଳର ଛାତ୍ରଛାତ୍ରୀଙ୍କୁ ଗୁଣାତ୍ମକ ଶିକ୍ଷା ପ୍ରଦାନ ପାଇଁ 2014 ମସିହାରୁ କଲେଜ ପ୍ରତିଷ୍ଠା ହୋଇଛି l ଗ୍ରାମାଞ୍ଚଳର ଶତାଧିକ ଛାତ୍ରଛାତ୍ରୀ ଏଠାରେ ଅଧ୍ୟୟନ କରୁଛନ୍ତି l ହେଲେ କଲେଜକୁ ଯିବା ପାଇଁ ପାଦ ଚଲା ମାଟି କାଦୁଅ ରାସ୍ତା ଉପରେ ନିର୍ଭର କରିବାକୁ ପଡ଼େ ଛାତ୍ରଛାତ୍ରୀ ଏବଂ କଲେଜ ଷ୍ଟାଫମାନଙ୍କୁ। ମହାବିଦ୍ୟାଳୟ ପ୍ରତିଷ୍ଠାର ୮ ବର୍ଷ ପରେ ବି ପାଚେରି ନିର୍ମାଣ କରାଯାଇ ନାହିଁ ।
ସେହିପରି ସ୍ଥାୟୀ ରାସ୍ତା ଓ ଶୌଚାଳୟ ନ ଥିବାରୁ ଛାତ୍ରଛାତ୍ରୀ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଥିବା ଦେଖିବାକୁ ମିଳିଛି । ଏହା ସହ ଲାଇବ୍ରେରୀରେ ପୁସ୍ତକ କିମ୍ବା ଛାତ୍ରଛାତ୍ରୀଙ୍କ ପାଇଁ କମନ ରୁମ, ଖେଳ ଉପକରଣ, ଆବଶ୍ୟକ ଥିବା କ୍ଲାସ ରୁମ ବି ନାହିଁ l ବହୁ ସମସ୍ୟାରେ ଛନ୍ଦି ହୋଇ ରହିଛି ଏହି ମହାବିଦ୍ୟାଳୟ l ତେବେ ଏନେଇ ସ୍ଥାନୀୟ ବିଧାୟକ ଏବଂ ପ୍ରଶାସନ କଲେଜର ସମସ୍ୟା ପ୍ରତି ଦୃଷ୍ଟି ଦେବାକୁ ଦାବି ହୋଇଛି ।
ନୟାଗଡରୁ ଜୟେନ୍ଦ୍ର ବେହେରା, ଇଟିଭି ଭାରତ
