ନୟାଗଡ: ଜିଲ୍ଲାରେ ଆତଙ୍କ ସୃଷ୍ଟି କରିଥିବା କୁଖ୍ୟାତ ଡକାୟତ ପାଙ୍ଗାର ମୃତ୍ୟୁ ହୋଇଛି । ପାଙ୍ଗା ଓରଫ ପ୍ରଭାତ କୁମାର ରାଉତ ଗ୍ୟାଙ୍ଗ ଗଠନ କରି ଜିଲ୍ଲାରେ ଆତଙ୍କ ସୃଷ୍ଟି କରିଥିଲା ।
କୁଖ୍ୟାତ ଡକାୟତ ପାଙ୍ଗାର ମୃତ୍ୟୁ
ପାଙ୍ଗା ନାମରେ ଜିଲ୍ଲାର ବିଭିନ୍ନ ଥାନାରେ ଏକାଧିକ ମାମଲା ରହିଛି । ନୟାଗଡ ଜିଲ୍ଲା ସଦର ଥାନା ବାରବାଟୀ ଗାଁରେ ଡକାୟତି ଉଦ୍ୟମ ବେଳେ ପାଙ୍ଗାକୁ କାବୁ କରିଥିଲେ ଗ୍ରାମବାସୀ । ପାଙ୍ଗା ଗ୍ରାମବାସୀଙ୍କ ଦ୍ବାରା ଗୁରୁତର ଆହତ ହୋଇଥିଲା ।
ପାଙ୍ଗାକୁ ଚିକିତ୍ସା ପାଇଁ ନୟାଗଡ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ଚିକିତ୍ସାଧୀନ ଅବସ୍ଥାରେ ପାଙ୍ଗାର ମୃତ୍ୟୁ ହୋଇଥିବା ଜଣାପଡିଛି । ପାଙ୍ଗା ଶରଣକୁଳ ଥାନା ଡିମିସର ଗାଁର ବୋଲି ଜଣାପଡିଛି । ସଦର ପୋଲିସ ମୃତଦେହ ଜବତ କରିବା ସହିତ ଘଟଣାର ତଦନ୍ତ ଜାରି ରଖିଛି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
