ନୟାଗଡ଼: କୋରୋନା ମହାମାରୀ ଧୀରେ ଧୀରେ ବୃଦ୍ଧି ପାଉଛି । ନୟାଗଡ଼ ଜିଲ୍ଲାରେ ମଧ୍ୟ ପ୍ରତ୍ୟେକ ଦିନ ଶତାଧିକ ଲୋକ କୋରୋନାରେ ଆକ୍ରାନ୍ତ ହେଉଛନ୍ତି । ଏପରି ସ୍ଥଳେ ନୟାଗଡ଼ ଜିଲ୍ଲା ରଣପୁର ବିଧାୟକ ସତ୍ୟନାରାୟଣ ପ୍ରଧାନ ଗାଁ ଗାଁ ବୁଲି ଲୋକଙ୍କୁ ମାସ୍କ ବଣ୍ଟନ କରିବା ସହ କୋରୋନାର ଭୟାବହତା ଉପରେ ସଚେତନ କରାଇଛନ୍ତି ।
ଗାଁ ଗାଁ ବୁଲି ମାସ୍କ ବାଣ୍ଟି ଲୋକଙ୍କୁ ସଚେତନ କଲେ ରଣପୁର ବିଧାୟକ
ରଣପୁର ବ୍ଲକ ହରିଡ଼ାବନ୍ଧ ଗ୍ରାମ ପଞ୍ଚାୟତରେ ଥିବା ଗାଁ କୁ ଗାଁ ବୁଲି ନିଜ ଦଳୀୟ କର୍ମୀଙ୍କ ସହ ମାସ୍କ ବଣ୍ଟନ ସହ ଲୋକଙ୍କୁ ସଚେତନ କରାଇଛନ୍ତି । ସାବୁନରେ ହାତ ଧୋଇବା, ମାସ୍କ ପିନ୍ଧିବା ଏବଂ ସାମାଜିକ ଦୂରତା ରକ୍ଷା କରି ନିଜେ ସଚେତନ ରହିଲେ ଆମେ କୋରୋନାକୁ ଜିତି ପରିବା ବୋଲି ଲୋକମାନଙ୍କୁ କହିଥିଲେ ବିଧାୟକ ।
ନୟାଗଡ଼ରୁ ଜୟେନ୍ଦ୍ର ବେହେରା, ଈଟିଭି ଭାରତ
