ନୟାଗଡ: କୃଷି ଓ ଉଚ୍ଚଶିକ୍ଷା ମନ୍ତ୍ରୀ ତଥା ନୟାଗଡ଼ ବିଧାୟକ ଅରୁଣ ସାହୁ ବସଷ୍ଟାଣ୍ଡରେ ସାଧାରଣ ଲୋକଙ୍କ ଅଭିଯୋଗ ଶୁଣିଛନ୍ତି । ମନ୍ତ୍ରୀଙ୍କର ଏହି ଅଭିନବ ଉପାୟକୁ ସମସ୍ତେ ପସନ୍ଦ କରିଛନ୍ତି ।
ଭିଡିଓ ସୌଜନ୍ୟ: ପ୍ରତିନିଧି, ନୟାଗଡ
ନିର୍ବାଚନ ପରେ ସାଧାରଣଲୋକଙ୍କ ସମସ୍ୟା ସମାଧାନ କରିବେ ବୋଲି ଚଳିତ ନିର୍ବାଚନ ଅବସରରେ ପ୍ରତିଶ୍ରୁତି ଦେଇଥିଲେ । ଆଉ ଆଜି ତାହାର ବାସ୍ତବ ଚିତ୍ର ଦେଖିବାକୁ ମିଳିଥିଲା ନୟାଗଡ଼ ବସଷ୍ଟାଣ୍ଡରେ । ସକାଳୁ ନୟାଗଡ଼ ବିଧାୟକ ଚୌକି ପକେଇ ବସଷ୍ଟାଣ୍ଡରେ ବସିଥିଲେ । ଜଣକ ପରେ ଜଣେ ଆସି ତାଙ୍କ ନିକଟରେ ଅଭିଯୋଗ କରୁଥାନ୍ତି । ଅଭିଯୋଗ ଅନୁସାରେ ସଙ୍ଗେ ସଙ୍ଗେ ବିଭାଗୀୟ ଅଧିକାରୀଙ୍କୁ ଚିଠି କରିଛନ୍ତି ମନ୍ତ୍ରୀ । ସେ ସକାଳ ଆଠରୁ ଦିନ ବାରଟା ପର୍ଯ୍ୟନ୍ତ ଲୋକଙ୍କ ଲୋକଙ୍କ ଅଭିଯୋଗ ଶୁଣିଥିଲେ । ଏହିକ୍ରମରେ ପ୍ରାୟ ଦୁଇଶହରୁ ଅଧିକ ଲୋକଙ୍କ ଅଭିଯୋଗ ଶୁଣିଥିଲେ । ସାଧାରଣ ବସଷ୍ଟାଣ୍ଡରେ ଏହିଭଳି ଅଭିଯୋଗ ଶୁଣୁଥିବାରୁ ଜନସାଧାରଣ ଖୁସିଥିବା ଦେଖିବାକୁ ମିଳିଛି ।
ନୟାଗଡରୁ ଉତ୍ପଳ ସାହୁ, ଇଟିଭି ଭାରତ
