ନୟାଗଡ଼: ନୟାଗଡ଼ରେ ମାତିଛନ୍ତି ଧଳା ଜହର ବେପାରୀ । ଗାଁଠୁ ସହର ସବୁଠି ଏବେ ବ୍ରାଉସୁଗାର କାରବାର ବୃଦ୍ଧି ପାଇଛି । ଯୁବପିଢ଼ି ଏଥିରେ ଅଧିକ ପ୍ରଭାବିତ ହେଉଛନ୍ତି । ସେବନକାରୀ ଏବଂ ବେପାରୀ ସାଜୁଛନ୍ତି ଯୁବବର୍ଗ । ନୟାଗଡ଼ ଏସପି ଭାବେ ସିଦ୍ଧାର୍ଥ କଟାରିୟା ଯୋଗଦେବା ପରେ ଜାନୁଆରୀରୁ ଅଦ୍ୟାବଧି 387 ଗ୍ରାମ ବ୍ରାଉନସୁଗାର ଏବଂ 61 ଜଣରୁ ଉର୍ଦ୍ଧ୍ବ ଅଭିଯୁକ୍ତ ଗିରଫ କରାଯାଇଥିବା ବେଳେ 885 କିଲୋଗ୍ରାମ ଗଞ୍ଜେଇ ଜବତ କରାଯାଇଛି ।
ଏହି ସମସ୍ତ ବେଆଇନ କାର୍ଯ୍ୟରେ ଯୁବବର୍ଗ ସାମିଲ ହେଉଥିବାରୁ ଏଥିରେ ସାମିଲ ନହେବାକୁ କହିଛନ୍ତି SP । ନୟାଗଡ଼ରେ ବୃଦ୍ଧି ପାଉଥିବା ବେଆଇନ କାରବାରକୁ ରୋକିବା ପାଇଁ ନୟାଗଡ଼ ଜିଲ୍ଲା ପୋଲିସ ପ୍ରଶାସନର ୨ଟି ଟିମ ଗଠନ କରି ସ୍ପେସିଆଲ ଡ୍ରାଇଭ କରୁଛି । ଏହି ୨ଟି ଟିମ ଜିଲ୍ଲାର ବିଭିନ୍ନ ସ୍ଥାନରେ ଚଢ଼ାଉ କରି ବ୍ରାଉନସୁଗାର କାରବାରକୁ ରୋକିବାକୁ ପ୍ରୟାସ ଚଳାଇଛି । ତେବେ ପୋଲିସ ଆହୁରି କଠୋର ହୋଇ ଏଭଳି ବେଆଇନ କାର୍ଯ୍ୟକୁ ବନ୍ଦ କରିବା ପାଇଁ ଦାବି ହୋଇଛି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
