ନୟାଗଡ଼: କଣ୍ଟିଲୋ ମହାନଦୀରେ ଅଘଟଣ । ନୟାଗଡ଼ ଜିଲ୍ଲା କଣ୍ଟିଲୋ ମହାନଦୀରେ ଗାଧୋଇବା ବେଳେ ଭାସିଗଲେ ଜଣେ ଯୁବକ । ଯୁବକଙ୍କ ଘର ଇଟାମାଟି ଅଞ୍ଚଳରେ ।
ଭିଡିଓ ସୌଜନ୍ୟ: ପ୍ରତିନିଧି, ନୟାଗଡ଼
ସୂଚନା ଅନୁସାରେ ମୃତଯୁବକ ତାଙ୍କର କିଛି ବନ୍ଧୁଙ୍କ ସହ ମିଶି ନୀଳମାଧବଙ୍କୁ ଦର୍ଶନ କରିବାକୁ ଯାଇଥିଲେ । ଦର୍ଶନ ସାରି ସମସ୍ତେ ମିଶି ନଦୀରେ ଗାଧୋଇବାକୁ ଯାଇଥିଲେ । ସେହି ସମୟରେ ଉକ୍ତ ଯୁବକଙ୍କ ଗୋଡ଼ ଖସିଗଲା । ପରେ ସେ ନଦୀରେ ଭାସିଯାଇଲେ ।
ଘଟଣା ସମ୍ପର୍କରେ ଅଗ୍ନିଶମ ବିଭାଗକୁ ଖବର ଦିଆଯାଇଥିଲା। ଖବର ପାଇଁ ଅଗ୍ନିଶମ ବିଭାଗର କର୍ମଚାରୀମାନେ ଆସି ଘଟଣାସ୍ଥଳରେ ପହଞ୍ଚିଲେ । ତାଙ୍କ ସହ ସ୍ଥାନୀୟ ଅଞ୍ଚଲର ଯୁବକମାନେ ମଧ୍ୟ ନଦୀରେ ଖୋଜାଖୋଜି କରି ମୃତଦେହକୁ ଉଦ୍ଧାର କରିଥିଲେ ।
ନୟାଗଡ଼ରୁ ଉତ୍ପଳ ସାହୁ, ଇଟିଭି ଭାରତ
