ନୟାଗଡ଼: ଜିଲ୍ଲାର ଏକମାତ୍ର ମ୍ୟୁନିସିପାଲିଟି ଏବଂ ଓଡଗାଁ ବ୍ୟତୀତ ସମସ୍ତ NACରେ ଉପାଧ୍ୟକ୍ଷ ନିର୍ବାଚନ ଶେଷ ହୋଇଛି । ବିଜେଡିର ଗୁରୁ ପ୍ରସାଦ ଜେନା ନୟାଗଡ଼ ପୌର ଉପାଧ୍ୟକ୍ଷ ଭାବରେ ନିର୍ବାଚିତ ହୋଇଛନ୍ତି । ଖଣ୍ଡପଡା NACରେ ବିଜେଡିର ମିହିର କୁମାର ମିଶ୍ର ଉପାଧ୍ୟକ୍ଷ ଭାବରେ ନିର୍ବାଚିତ ହୋଇଛନ୍ତି ।
ସେହିଭଳି ରଣପୁର NACରେ ବିଜେଡିର ବିଶ୍ଵରଞ୍ଜନ ପଟ୍ଟନାୟକ ଉପାଧ୍ୟକ୍ଷ ଭାବରେ ନିର୍ବାଚିତ ହୋଇଛନ୍ତି । ଦଶପଲ୍ଲା NACରେ ବିଜେଡିର କିଶୋର ଚନ୍ଦ୍ର ଦାଶ ଉପାଧ୍ୟକ୍ଷ ଭାବରେ ନିର୍ବାଚିତ ହୋଇଛନ୍ତି । ନୟାଗଡ଼ର ସମସ୍ତ NACରେ ପୌର ଉପାଧ୍ୟକ୍ଷ ନିର୍ବାଚନ ପାଇଁ ପ୍ରଶାସନ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଥିଲା । ଦିନ ୧୦ଟାରୁ ୧୧ଟା ମଧ୍ୟରେ ପ୍ରାର୍ଥୀମାନେ ପ୍ରାର୍ଥୀପତ୍ର ଦାଖଲ କରିଥିଲେ । ଏହାପରେ ୧୧ଟାରୁ ୧୨ ମଧ୍ୟରେ ସ୍କୃଟିନି କରାଯାଇ ଦିନ ଗୋଟାଏ ପୂର୍ବରୁ ପ୍ରାର୍ଥୀମାନେ ନାମାଙ୍କନ ପ୍ରତ୍ୟାହାର କରିଥିଲେ । ନୟାଗଡ଼ର ସମସ୍ତ ପୌର ଉପାଧ୍ୟକ୍ଷ ଆସନରେ ବିଜେଡି ପ୍ରାର୍ଥୀ ବିଜୟୀ ହୋଇଛନ୍ତି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
