ନୟାଗଡ଼: ଗଣମାଧ୍ୟମ ପ୍ରତିନିଧିଙ୍କୁ ଆକ୍ରମଣ ଘଟଣା । ଏକ ଘରୋଇ ବୈଦୁତିକ ଗଣମାଧ୍ୟମର ପ୍ରତିନିଧିଙ୍କୁ ଗୁରୁବାର କିଛି ବିଜେପି କର୍ମୀ ଆକ୍ରମଣ କରିଥିଲେ । ଏହି ଘଟଣାରେ 2 ଜଣଙ୍କୁ ସଦରଥାନା ପୋଲିସ ଗିରଫ କରିଛି । ଏହାକୁ ନେଇ ସାମ୍ବାଦିକ ସମ୍ମିଳନୀ କରିଛନ୍ତି ନୟାଗଡ ଅତିରିକ୍ତ ଆରକ୍ଷୀ ଅଧିକ୍ଷକ ଉମାକାନ୍ତ ମଲ୍ଲିକ l
ସାମ୍ବାଦିକଙ୍କୁ ଆକ୍ରମଣ ଘଟଣା
ଗତକାଲି (ଗୁରୁବାର) ବିଜେପିର ଯଦୁପୁର ପଦଯାତ୍ରାରେ ସାମ୍ବାଦିକଙ୍କୁ ଆକ୍ରମଣ ଘଟଣାରେ 2 ଜଣଙ୍କୁ ଗିରଫ କରିଛି ପୋଲିସ l ଅଭିଯୁକ୍ତ ଦ୍ବୟ ହେଲେ ଦୀପକ ଦଳ ବେହେରା ଏବଂ ଅନିଲ ରାଉତ ।
ଅନ୍ୟପଟେ ଅଭିଯୁକ୍ତ ଦଳ ବେହେରାଙ୍କ ରିପୋର୍ଟ କୋରୋନା ପଜିଟିଭି ବାହାରିଥିବାରୁ ତାକୁ ସଙ୍ଗରୋଧରେ ରଖାଯିବ । ଅନ୍ୟ ଜଣେ ଅଭିଯୁକ୍ତକୁ ପୋଲିସ କୋର୍ଟ ଚାଲାଣ କରିଥିବା ଜଣାପଡିଛି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
